新一年，大家計劃好今年嘅出遊大計未? 尤其是今年咁多長假期，手快有手慢冇! 係時候mark定annual leave，廢事同同事撞假喇! 以下嘅出遊建議係根據加拿大占星師 Tim Stephens 預測嘅12星座來年運程所作出嘅，未諗好去邊嘅，不妨參考一吓。
白羊座 (21/3-20/4)
白羊座嘅朋友2016年工作運唔錯，充滿機遇。面對事業上嘅抉擇，想變? 就由旅行開始。白羊們不妨去一趟發現之旅沈澱一吓，等自己可以做個合適嘅選擇。
地點推介: 西藏拉薩
小貼士: 香港目前並未有直飛拉薩嘅航班，旅客多從成都轉機。
金牛座 (21/4-20/5)
先同金牛座嘅朋友講聲恭喜。喺2016年，金牛仔女將會迎來10年一遇嘅好運氣，愛情同工作都會有突破，但想創業就仲要等等先。順風順水時最啱就係自我增值，增強個人藝術氣息及鑑賞修養。
地點推介: 巴黎、佛羅倫斯
雙子座 (21/5-21/6)
2016年對雙子座嚟講將會係改善家庭關係嘅好時機，建議嚟返個Family Trip，唔好吓吓掛住工作，忽略屋企人。
地點推介: 東京、大阪
巨蟹座 (22/6-22/7)
巨蟹仔女想探索一啲唔熟悉嘅地方、嚟個冒險之旅好耐架喇，今年一於的起心肝，計劃到Indochina地區一趟吧! 透過呢個冒險之旅，你將會更認識自己，讓你可以好好處理工作上或感情嘅狀況。
地點推介: 柬埔寨、越南、老撾
獅子座 (23/7-22/8)
獅子座嘅你今年將會忙到甩碌! 但吊頸都要透吓氣架，咁忙嘅時候最啱嚟返個短Trip，叉吓電再shopping relax吓。
地點推介: 首爾
處女座 (23/8-22/9)
相比起唔太順利嘅2015年，2016年對處女座嚟講可以話係大逆轉! 無論事業、財運、愛情抑或家庭方面，都會通過你嘅努力而變得越來越好。想保持開心樂觀嘅心態，不妨去一個有自我挑戰活動玩嘅地方，重拾信心。
地點推介: 新西蘭、澳洲
天秤座 (23/9-23/10)
天秤座今年嘅事業同感情好大機會會起變化，因此變得頹頹地。你需要一啲獨處嘅時間，好好休息一吓。擁有陽光與海灘同Spa嘅地方最適合你撫慰心靈、好好計劃未來。
地點推介: 峇里島、長灘島
天蠍座 (24/10-22/11)
天蠍仔女喺2016年要注意事業同愛情方面嘅起伏，想同伴侶更加甜甜蜜蜜，一齊去旅行將會令你們感情升溫。
地點推介: 澳洲
人馬座 (23/11-21/12)
人馬座今年嘅運勢一般，每方面都喺轉變當中，所以要更積極面對，將壓力扭轉成原動力。由於太多煩心事，建議你去東京近郊散吓心。
地點推介: 箱根、輕井澤
摩羯座 (22/12-19/1)
摩羯座喺2016年勢如破竹，有機會搵到一份有前景嘅工作，更有機會踏入人生另一階段。今年嘅出遊機會很多，建議多去文化場所或城市，將有助增強運勢。
地點推介: 米蘭、梵蒂岡
水瓶座 (20/1-18/2)
水瓶座今年忙得嚟亦有收穫，需要花大量時間同精力喺生活上。呢個時候，最啱就係去啲創意之都，吸收靈感，再面對挑戰。
地點推介: 阿姆斯特丹、柏林
雙魚座 (19/2-20/3)
雙魚座喺16年不論感情或事業上都會有好消息。雖然工作可能會遇到瓶頸，但只要出多幾分力，就會有突破嘅可能。因為咁所以工作有啲忙碌，去一趟短途旅行最適合不過。
地點推介: 台北、高雄
查詢 套票 / 機票
p.s 風水命理並非精密科學，信則有不信則無，命運其實係掌握在我地手中
來源: 資料整合
全球最大市內免稅店 現已登場
三井Outlet明年0127開幕
地鐵新增腳印貼紙，有乜用
韓國滑雪旅遊全攻略
旅遊包車軟件 韓國適用
台北旅遊: 機場捷運桃園站首座美式OUTLET18日開幕
迎新年曙光最佳景點 艮絕岬、海東龍宮寺
釜山聖誕樹文化節
華山倒轉屋 反轉看台北！