旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

2016去邊好? 今年最適合12星座嘅目的地出爐喇!

0 354

新一年,大家計劃好今年嘅出遊大計未? 尤其是今年咁多長假期,手快有手慢冇! 係時候mark定annual leave,廢事同同事撞假喇! 以下嘅出遊建議係根據加拿大占星師 Tim Stephens 預測嘅12星座來年運程所作出嘅,未諗好去邊嘅,不妨參考一吓。

白羊座 (21/3-20/4)

白羊座嘅朋友2016年工作運唔錯,充滿機遇。面對事業上嘅抉擇,想變? 就由旅行開始。白羊們不妨去一趟發現之旅沈澱一吓,等自己可以做個合適嘅選擇。

地點推介: 西藏拉薩

小貼士: 香港目前並未有直飛拉薩嘅航班,旅客多從成都轉機。
lhasa


金牛座 (21/4-20/5)

先同金牛座嘅朋友講聲恭喜。喺2016年,金牛仔女將會迎來10年一遇嘅好運氣,愛情同工作都會有突破,但想創業就仲要等等先。順風順水時最啱就係自我增值,增強個人藝術氣息及鑑賞修養。

地點推介: 巴黎、佛羅倫斯
lourve


雙子座 (21/5-21/6)

2016年對雙子座嚟講將會係改善家庭關係嘅好時機,建議嚟返個Family Trip,唔好吓吓掛住工作,忽略屋企人。

地點推介: 東京、大阪
osaka


巨蟹座 (22/6-22/7)

巨蟹仔女想探索一啲唔熟悉嘅地方、嚟個冒險之旅好耐架喇,今年一於的起心肝,計劃到Indochina地區一趟吧! 透過呢個冒險之旅,你將會更認識自己,讓你可以好好處理工作上或感情嘅狀況。

地點推介:  柬埔寨、越南、老撾
cambodia


獅子座 (23/7-22/8)

獅子座嘅你今年將會忙到甩碌!  但吊頸都要透吓氣架,咁忙嘅時候最啱嚟返個短Trip,叉吓電再shopping relax吓。

地點推介: 首爾
seoul

 


處女座 (23/8-22/9)

相比起唔太順利嘅2015年,2016年對處女座嚟講可以話係大逆轉! 無論事業、財運、愛情抑或家庭方面,都會通過你嘅努力而變得越來越好。想保持開心樂觀嘅心態,不妨去一個有自我挑戰活動玩嘅地方,重拾信心。

地點推介: 新西蘭、澳洲
nz


天秤座 (23/9-23/10)

天秤座今年嘅事業同感情好大機會會起變化,因此變得頹頹地。你需要一啲獨處嘅時間,好好休息一吓。擁有陽光與海灘同Spa嘅地方最適合你撫慰心靈、好好計劃未來。

地點推介: 峇里島、長灘島
bali


天蠍座 (24/10-22/11)

天蠍仔女喺2016年要注意事業同愛情方面嘅起伏,想同伴侶更加甜甜蜜蜜,一齊去旅行將會令你們感情升溫。

地點推介: 澳洲
aus


人馬座 (23/11-21/12)

人馬座今年嘅運勢一般,每方面都喺轉變當中,所以要更積極面對,將壓力扭轉成原動力。由於太多煩心事,建議你去東京近郊散吓心。

地點推介: 箱根、輕井澤
輕井澤


摩羯座 (22/12-19/1)

摩羯座喺2016年勢如破竹,有機會搵到一份有前景嘅工作,更有機會踏入人生另一階段。今年嘅出遊機會很多,建議多去文化場所或城市,將有助增強運勢。

地點推介:  米蘭、梵蒂岡
vatican

 


水瓶座 (20/1-18/2)

水瓶座今年忙得嚟亦有收穫,需要花大量時間同精力喺生活上。呢個時候,最啱就係去啲創意之都,吸收靈感,再面對挑戰。

地點推介: 阿姆斯特丹、柏林
amsterdam


雙魚座 (19/2-20/3)

雙魚座喺16年不論感情或事業上都會有好消息。雖然工作可能會遇到瓶頸,但只要出多幾分力,就會有突破嘅可能。因為咁所以工作有啲忙碌,去一趟短途旅行最適合不過。

地點推介: 台北、高雄
taipei


查詢 套票 / 機票
p.s 風水命理並非精密科學,信則有不信則無,命運其實係掌握在我地手中


來源: 資料整合


全球最大市內免稅店 現已登場
三井Outlet明年0127開幕

地鐵新增腳印貼紙,有乜用

韓國滑雪旅遊全攻略

旅遊包車軟件 韓國適用

台北旅遊: 機場捷運桃園站首座美式OUTLET18日開幕

迎新年曙光最佳景點 艮絕岬、海東龍宮寺
釜山聖誕樹文化節
華山倒轉屋 反轉看台北!

 

發表評論