台灣民宿 (中部): 日月潭景色優美就係人都知，近年日月潭周邊嘅民宿多如雨後春筍，點揀好你又知唔知? 今次介紹嘅係最適合二人世界嘅浪漫滿屋-戀愛故事館，Check it out!
浪漫滿屋 戀愛故事館
距離日月潭車程約20分鐘，浪漫滿屋 戀愛故事館係一間以「愛」為主題嘅民宿，大廳及餐廳嘅裝潢為豔麗嘅紅色調，充滿時尚華麗嘅精品浪漫風格
民宿外觀嘅設計概念源自一個浮在水面上嘅玻璃盒子，所以民宿所有房間都有大片落地玻璃，四季景色穿透房間，亦隨窗戶倒影著，情境琉璃幻化。
仲有粉紅色嘅電梯添!
落地玻璃嘅好處就係等光線直接照入，天然採光可以增加空間感，所以我地都覺得民宿房間好寬敞呢~
每間房間都採用唔同色調，而我地住呢間房則採用水藍色系色調
唔同房種嘅設施都唔同，呢間就有按摩浴缸比我地大浸特浸喇
民宿設有生日、求婚專案，會有專人為您佈置一切，雖然我地唔係情侶，但老闆都好sweet好好心為我地預備咗鮮花、汽球、公仔、蠟燭同美酒 
因為採用大片落地玻璃窗嘅關係，浪漫滿屋 戀愛故事館每間房間望出去都擁抱唔同角度嘅翠綠山林美景，視覺體驗絕佳。入夜更有青蛙、蟬鳴聲劃破寧靜嘅黑夜，讓你以聽覺體會山林嘅幽靜之美。
咁浪漫嘅環境，最適合二人世界! 唔怪得民宿會命名為浪漫滿屋啦!
地址： 南投縣魚池鄉新城村通文巷3-10號
台灣民宿 (中部): 山季花園 – 民宿內都可以玩足一日
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
小V花東遊記
2C宜蘭遊記