旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

宜蘭、沖繩、新加坡 親子住宿推介

台灣宜蘭、日本沖繩、新加坡 親子住宿推介

0 834

打算帶小朋友去旅行嘅家長注意喇,小編依家會介紹臺灣、日本沖繩、新加波嘅親子酒店俾家長們參考下,保證小朋友們單單系酒店度玩到樂而忘返喇!

蘭城晶英酒店
(推薦預訂網:Agoda.com | Booking.com | 8ocean.com)

首先介紹蘭城晶英酒店,呢間系全臺灣最知名嘅親子飯店,好多臺灣人放假都會專帶小朋友去呢間酒店住一兩日,因爲呢度有專屬嘅兒童遊樂場、賽車場,而且酒店仲可以俾小朋友開車仔入房間添,如果比我變反小朋友嘅話,肯定系玩具車手,好羨慕依家啲小朋友呀!

酒店方面認爲每個入住呢間酒店嘅小朋友都系VIP,所以系check-in 時候都會俾小朋友自己選擇房卡,房卡仲留反俾小朋友自己做紀念添,酒店仲設有主題客房,每間主題客房都兒童帳篷、電動汽車、兒童備品等,相信小朋友由踏入酒店嘅一刻,就會開始瘋狂喇!系酒店嘅兒童遊樂場入面仲有大人小朋友都鐘意嘅波波池呀!有童真嘅大人們都可以試玩架;仲有跳跳牀、模擬車道區等好多好玩嘅遊戲設施呀!換轉系小編我,肯定顛過啲小朋友呀。小編特別推薦呢間酒店俾家長們,有咩正過小朋友嘅笑容?酒店會因應不同嘅節日或季節,推出啲特色又適合小朋友和家長玩嘅活動遊戲,入住呢間酒店真系可以增加親子關係呀!

推薦預訂網:Agoda.com | Booking.com | 8ocean.com


宜蘭礁溪捷絲旅酒店
(推薦預訂網:Agoda.com | Booking.com | 8ocean.com)

跟住就介紹宜蘭礁溪嘅捷絲旅酒店,呢間旅館和蘭城晶英同屬一間酒店集團,相比起晶英酒店,捷絲旅提供嘅兒童遊樂設施就比較失色啲,不過,呢間酒店方面則提供咗DIY傳統手工藝, 每日唔同嘅時段都有唔同嘅手工藝供小朋友自己DIY,除左可以訓練到小朋友邏輯思維,家長仲可以在旁協助小朋友,增加親子關係;

酒店方面仲提供咗傳統遊藝間,入面全部都系八、九後嘅童年時候遊戲,例如跳飛機、萬花筒、陀螺…等,而且仲提供咗小時候最愛嘅戲院、小商店、傳統木質桌椅供住客打卡,令到小編我開始懷念一個冇IPad、IPhone 嘅年代,人和人之間親密單純無比;家長們可以帶小朋友黎感受以前舊年代嘅玩樂,讓小朋友嘅童年不必只困在手機裏,酒店方面仲有小小嘅閱讀室,有各式各樣嘅童話書和雜誌,讓小朋友沉迷系閱讀世界入面,仲有小朋友最鐘意嘅玩具——積木牆和提供咗勞作室俾喜歡DIY或畫畫嘅小朋友發揮創作。

推薦預訂網:Agoda.com | Booking.com | 8ocean.com


Southern beach hotel and resort(沖繩南海灘度假酒店)
(推薦預訂網:Agoda.com | Booking.com | 8ocean.com)

日本沖繩一直都系港爸港媽最愛嘅地方,Southern beach hotel and resort(沖繩南海灘度假酒店)系其中一間最受歡迎嘅親子度假酒店,呢度有兒童專屬嘅游泳池,仲提供咗兒童遊戲室,而且小朋友仲可以DIY萬花筒添,雖然同之前介紹嘅親子酒店有種大同小異嘅感覺,但系小編都非常之適合親子家庭度假地方,酒店選址方面雖然有少少偏僻,最近嘅便利店都需要開車出去,所以酒店內部設有小賣部方便住客,地點即使偏僻,相信酒店入面嘅設施都會令到小朋友玩上一天,系酒店附近更有海灘,只需要步行數分鐘,小朋友和家長們一定玩得盡興。

推薦預訂網:Agoda.com | Booking.com | 8ocean.com


Renaissance Okinawa Resort(沖繩萬麗酒店)
(推薦預訂網:Agoda.com | Booking.com | 8ocean.com)

小編會特別推薦家長們首選 Renaissance Okinawa Resort(沖繩萬麗酒店),呢間親子酒店附有私人沙灘,最特別系提供埋大人小朋友鐘意嘅海豚活動,仲可以同海豚互動添呀!

除左海豚活動外,酒店仲提供咗“自然教師”和“文化工作坊”,可以讓小朋友邊玩邊學習,用輕鬆嘅方式去認識海洋生物,仲可以讓小朋友製作沖繩傳統的蠟染手工藝作品,不過呢啲活動都系屬於收費活動;酒店都有提供手作區讓小朋友發揮天馬行空嘅設計,酒店嘅室內泳池仲有大家都鐘意嘅水上滑梯添呀,室外泳池仲有提供小型嘅戲水池比小朋友玩,特別適合暑假黎沖繩享受親子家庭樂呀!以爲酒店只提供小朋友嘅玩樂設施?!酒店同時照顧到大人嘅需要,有各式各樣嘅水上活動供大人玩樂,包括香蕉船、浮潛、 風帆… 呢間酒店真系啱嗮大人小朋友入住呀!

推薦預訂網:Agoda.com | Booking.com | 8ocean.com


新加坡香格里拉聖淘沙度假酒店(Shangri – La’s Rasa Sentosa Reort & Spa Sinapore)
(推薦預訂網:Agoda.com | Booking.com | 8ocean.com)

最後新加坡香格里拉聖淘沙度假酒店(Shangri – La’s Rasa Sentosa Reort & Spa Sinapore)爲小朋友們提供咗泳池連水滑梯和飛濺墊,仲有提供埋兒童戲水區,室外遊樂場都系小朋友最愛嘅其中一項設施,室內仲有巨型樹屋滑梯、免費遊戲室和小男孩最喜歡的電玩室添呀,酒店內仲有到處可見的孔雀,小朋友可以近距離見到孔雀,一定好興奮的!如果港爸港媽打算帶小朋友黎新加坡放電嘅話,香格里拉絕對系親子酒店嘅首選。

推薦預訂網:Agoda.com | Booking.com | 8ocean.com

發表評論