台灣民宿 (中部): 日月潭景色優美就係人都知，近年日月潭周邊嘅民宿多如雨後春筍，點揀好你又知唔知? 除咗之前介紹過嘅公主風Bliss幸福天使花園外，嚟緊我地會一連幾篇介紹位於日月潭區域嘅民宿，無論你想揀適合一家大細嘅民宿、定係想過二人世界，抑或講究設計風格、鍾意chill啲嘅style，都總有一間啱你心水! Check them out!
山季花園
雖然山季花園隱身喺魚池鄉，但我地喺遠處已經見到呢棟咁sharp醒嘅鵝黃色建築。咁warm嘅色調加上設施同房種 — 民宿只得一間2人房，其他嘅係for 4人或6人，山季花園可以話係專為一家大細而設。
即刻去片!
呢幅黑板地圖既可以裝飾，又有資訊性作用，一舉兩得。
民宿內唔少地方都有熊bear bear，令童心未泯嘅我地愛不釋手
房間雅緻簡潔，令人覺得溫暖
民宿外有塊大草地，最適合小朋友自由自在暢跑
堆沙池，玩完沙要洗腳? 沖水池就喺旁邊，非常貼心。
仲有山羊區，小朋友見到一定好開心
我地最鍾意嘅BBQ區，啱晒共享天倫之樂。如果要BBQ，請先於訂房時話比民宿主人聽，亦要自備帶炭同食物呀，因為民宿並唔包嘅。
種滿橘子嘅開心農場啱晒家長戶外教學，讓小朋友認識水果嘅生長，民宿老闆仲好豪咁話，只要見到橘子熟咗，就可以現場摘落嚟食，完全免費㗎！
山季花園嘅設施多不勝數，一家大細嚟嘅話不妨stay多日喺度，全日進行親子活動~
地址：南投縣魚池鄉大林村華山巷9-66號
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
小V花東遊記
2C宜蘭遊記