台灣美食: 首度登陸台灣! 9大必吃美食@三井Outlet Park

台灣旅遊: 要數台灣最新最hit嘅景點，一定非三井outlet莫屬。雲集多個國際品牌，三井outlet除咗售賣折扣精品外，仲獨家引進咗十幾間海外人氣餐廳。今次為你整理咗9大必食嘅店家，仲唔快啲bookmark定?

鶴橋風月

大阪燒老字號成立至今超過60年，喺關西無人不曉。雖然喺日本已經有84間分店，但講到台灣分店，三井outlet店係第一間! 大阪燒以傳統配方人手製作，讓客人可以享受到地道風味。

地點：2F / IN MALL-室內區

BIBIM

Bibim，即韓文中嘅「攪拌」，係享用韓國料理嘅必備程序，由石窩飯至芝士豬肋骨，都經過侍應嘅攪拌先完成。BIBIM店內提供美味健康嘅韓式料理，啱晒一班KPop Fans!

地點：2F / IN MALL-室內區

博多長濱拉麵田中商店

博多長濱拉麵喺日本擁有15年嘅超人氣，全因為店家熬製三日三夜嘅豚骨湯頭。湯頭唔只濃郁，仲充滿骨膠原，香醇美味。

地點：2F / 美食街

つけめん玉 TSUKEMEN GYOKU

講到日本麵食，除咗拉麵之外，當然唔少得沾麵啦！店家以以豚骨同雞骨熬成湯底，湯汁濃稠。當中「味玉沾麵」為招牌菜，以極粗麵條沾取湯汁食用，回味無窮。

地點：2F / 美食街

宮武讃岐うどん

麵麵麵麵麵麵麵麵麵請你食麵～食完拉麵、沾麵都仲未夠喉? 不妨試埋嚟自日本香川縣嘅正宗讃岐烏冬! 由宮武讚岐治麵所提供技術合作，烏冬麵條經特製製麵機揉製出來，無論是韌度、風味、滑順感都係一流。配合埋以瀨戶內海產高品質小魚乾所熬製嘅湯底，好味到一條麵一滴湯都唔會剩!

地點：2F / 美食街

博多めんたいやまや食堂

明太子嘅fans有福了。博多めんたいやまや食堂喺福岡以明太子料理聞名，每款菜式都摻雜住明太子，樣味道帶有微微辛辣同鹹香。必食推介有明太子玉子燒。

地點：樓層 / 區域2F / 美食街

グリル満天星

グリル満天星以精緻嘅料理技術炮製出道地嘅日式洋食料理，一家大細開心share最啱!

地點：2F / 美食街

J.S. FOODIES

來自日本J.S. Foodies以美國西岸風格嘅漢堡同鬆餅馳名。三井outlet店特別推出獨家「靜岡抹茶紅豆鬆餅」同「和牛漢堡」，嚟到一定要order!
地點：2F / OUT MALL-戶外區

KUA’AINA

夏威夷美食除咗午餐肉外，仲有呢間KUA’AINA。漢堡扒以高級牛肉製成，再以火山熔岩燒烤烹調。BBQ風味連美國總統奧巴馬都愛不釋手呢。

地點：2F / OUT MALL-戶外區

林口三井Outlet Park
地點：新北市林口區文化三路與忠孝路路口
交通