宜蘭民宿: 之前提到晨露庄可能係全宜蘭最warm嘅民宿，係咪即刻好想住呢～如果晨露庄被包棟點算好？其實庄主一家仲有兩間民宿，包括星空下同幸福300米，每間民宿背後都隱藏住一個感人嘅故事，總括黎講，呢度就係一個充滿愛嘅家!
星空下
星空下由兩幢villa組成，分別叫<北極星>同<南極星>。
世上只有爸媽好! 原來當年庄主趁一對仔女去左外國讀書，就按照仔女嘅性格起咗兩幢villa，作為佢地將來嘅結婚禮物。不過仔(女)大仔(女)世界，庄哥同庄妹並冇諗住咁快結婚，所以villa就變咗做民宿喇。
<北極星> 華麗優雅，屋內設計走法國宮廷風，樓中樓嘅設計增加空間感。
相反<南極星>嘅風格截然不同，充滿野性嘅印第安貴族風格，充斥大自然感覺，仲有天窗可以見到星空添! 想同另一半喺房間仰望星空? 咁就千祈唔好錯過喇~
幸福300米
庄妹Vivi 曾於英國攻讀酒店管理，畢業後一早已經被澳門威尼斯人酒店取錄，不過因為庄媽嘅一句 ｢捨不得｣，所以Vivi 決定留喺台灣，幫屋企經營民宿生意。Vivi喺英國讀書時已經同而家嘅丈夫Chris相戀，Chris知道Vivi 唔捨得離娘家太遠，所以婚後決意辭去台北高薪厚職嘅工作，同Vivi返去宜蘭建築佢地嘅小愛巢，因為地點只係離晨露庄300米，所以就將民宿命名為<幸福300米>。
屋前的小花園充滿田園氣息
聽完呢個感人嘅故事，不如又問下自己 : 為左愛，你可以去到幾盡 ?
2C 住宿體驗
睇勻晒3間民宿，想體驗大家庭感覺嘅我地最後揀咗住晨露庄。庄媽同庄爸經營傢俱店起家，對於一板一木都特別講究，尤其喜愛東方傳統氣息，所以晨露庄嘅設計係走古典東方風格。
晨露庄真係名乎其實嘅一個家，就連房間都係直接命名兒子房、女兒房，至於主人房<<東方風華>>，房間以木材為主，擺滿庄爸收藏多年嘅古董古玩，配上各式各樣嘅西式吊燈，可謂中西合壁! 最頂嘅閣樓以半開放式設計，咁大地方最適合一家大細一齊住!
第二朝一早起身，見到庄嫲????為我地炮製咗咁豐富嘅早餐，當堂精神為之一振! 十二特式小碟配上健康蕃薯粥，加埋西式小點心同生果拼盤，再沖杯用新鮮咖啡豆泡製嘅醒神咖啡……呢個早餐可以媲美酒店自助早餐，唔同之處係更加有人情味，我地一路食一路傾不知幾咁開心????
[????有著數????] 宜蘭2晚民宿 + 機票 + 推廣碼 TWN283 = 即減$200優惠!
優惠期至2015年8月31日，其他訂購及詳細條款，請向分行職員查詢
宜蘭遊記: 羅東夜市搵食記 (Part 1) / 香草菲菲
宜蘭民宿: 晨露庄 – 可能係全宜蘭最warm嘅民宿!
宜蘭民宿: 貝兒花園 – 宜蘭最浪漫民宿 (新增：2C 住宿體驗)
宜蘭遊記：甕窯雞 (必食!) / 梅花湖環湖單車遊
宜蘭民宿: 秘穴行館 – 地中海feel民宿
宜蘭遊記：樂山溫泉拉麵 / 蘭陽博物館 / 伯朗城堡
宜蘭遊記：心程帶你去宜蘭
台中旅遊: 極力推介5間咖啡店
中國旅遊: Hello Kitty Park登陸浙江
台灣單車旅行: 票選台灣32單車徑，你喜愛那絛?
台灣民宿(北部): 宜蘭希格瑪花園城堡
台灣民宿: 票選最想住3種民宿
旅遊保險: 選購適合自己的旅遊保險!
台北美食: 四平街牛肉刀削麵 日本人致愛
台北美食: 周記沙茶牛肉炒麵 外國人致愛