旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

跟住台灣人搵食: 台灣網友票選10大最愛夜市

0 99

去台灣旅行絕對唔可以錯過嘅地方一定係夜市,夜市除左吸引遊客之外,當地人亦經常到訪,為日常生活嘅一部份。

早前有台灣網站舉辦10大最愛夜市選舉,一齊睇吓台灣人心目中最鍾意嘅夜市,再跟住地頭蟲搵食啦!


1.  逢甲夜市 @ 台中                (更多台中夜市)

逢甲夜市為台灣目前規模最大嘅夜市,種類眾多價格實惠,想食乜就有乜。夜市更係唔少特色小食嘅發源地,例如可麗餅、胡椒餅等。

★★★★★推介:
日船章魚小丸子、大甲芋頭城

1

地址:台中市西屯區文華路
如何前往:乘坐客運於逢甲大學站下車


2.  士林夜市 @ 台北                (更多台北夜市)

士林夜市多次獲國際選為台灣代表夜市,可說是最有名氣嘅夜市之一。夜市以各種傳統小吃聞名國內外,例如大餅包小餅、士林大香腸等。

★★★★★推介:
郭家蔥油餅、鍾家原上海生煎包

2

地址:台北市士林區大東路、大南路、文林路、基河路
如何前往:乘坐捷運至劍潭站


3.  羅東夜市 @ 宜蘭

去宜蘭旅行除左浸礁溪溫泉、住靚靚民宿外,當然唔少得到羅東夜市掃街啦!羅東夜市全年無休,提供各式各樣傳統及創新小吃,例如龍鳳腿、包心粉圓、臭薯條等。

★★★★★推介:
阿灶伯當歸羊肉湯、堂薯薯臭薯條、七巧味三星蔥多餅

3

地址:宜蘭縣羅東鎮民生路、民權路、公園
如何前往:乘坐台鐵至羅東火車站,沿公正路直走至興東路左轉


4.  花園夜市 @ 台南                (更多台灣南部夜市)

台南有三大夜市,包括花園夜市、武聖夜市及大東夜市,當中以花園夜市最著名。不過呢3個夜市並唔係每晚都營業架,所以台南人有個口訣:「一二三四五六日,大大武花大花花」,代表一星期7日各夜市嘅營業時間。

★★★★★推介:
二師兄滷味、春捲冰淇淋

4

地址:台南市和緯路3段與海安路3段交叉口
如何前往:於火車前站(國賓黑色大樓底下的公車北站)乘坐0左公車至花園夜市下車


5.  廟口夜市 @ 基隆

時下好多朋友都會搭夜機去台灣玩,抵埗後想醫肚?除左一般宵夜店之外,仲可以去24小時營業嘅基隆廟口夜市!啱晒夜鬼搵食啦!

★★★★★推介:
營養三明治、吳記螃蟹羹/油飯、全家福元宵

5

地址:基隆市仁愛區仁三路和愛四路
如何前往:搭台鐵至基隆站,沿忠一路步行右轉愛四路


6.  大街夜市 @ 墾丁                (更多台灣南部夜市)

日頭喺墾丁玩完水上活動,夜晚最好就係去墾丁大街夜市醫肚喇。墾丁大街夜市可以話係台灣最Hot嘅夜市,不但可以睇到眾多衝浪型男,更不時會有辣妹出來跳舞添!

★★★★★推介:
意大利杯麵、墾丁山豬石板烤肉

6

地址:屏東縣恆春鎮墾丁路
如何前往:乘坐聯營客運至墾丁站下車


7.  瑞豐夜市 @ 高雄                (更多台灣南部夜市)

瑞豐夜市為高雄目前規模最大嘅夜市,地點靠近捷運站,交通超方便,所以經常人山人海。

★★★★★推介:
沖繩酥炸大魷魚、泰式香蕉煎餅、高月傳說泰式月亮蝦餅

7

地址:高雄市鼓山區裕誠路1128號
如何前往:乘坐高雄捷運至巨蛋站下車


8.  六合夜市 @ 高雄                (更多台灣南部夜市)

六合夜市為台南最早嘅國際級觀光夜市,曾奪得多個獎項包括最人氣、最環保、最友善、最有魅力及最好逛,想知有幾好就一定要嚟行吓喇!

★★★★★推介:
鄭老牌木瓜牛奶、六合夜市海產粥

8

地址:高雄新興區六合二路
如何前往:乘坐高雄捷運至美麗島站下車


9.  寧夏夜市 @ 台北                (更多台北夜市)

寧夏夜市有許多三、五十年以上嘅老店售賣傳統小吃,喜歡古早味嘅朋友千祈唔好錯過喇!

★★★★★推介:
大橋頭純糖麻糬、劉芋仔蛋黃芋餅

9

地址:台北市大同區寧夏路
如何前往:乘坐捷運至雙連站


10.  師大夜市 @ 台北                (更多台北夜市)

夜市位於師範大學週邊,所以攤販大多售賣適合年青人嘅潮物,吸引左好多學生同OL嚟邊食邊shopping!

★★★★★推介:
水吻3創意冰品、鴻爐發蜜汁燒烤

10

地址:台北市大安區龍泉街
如何前往:乘坐捷運至古亭站


同時查詢台北套票/高雄套票/台中套票  搜尋台北機票/高雄機票/台中機票


台灣麥當勞 限定3款迷你小兵餐具
多圖! 台北HELLO KITTY小火鍋有得睇有得食喇!
台北8間HIGH TEA好地方
不能說的秘密? 於淡水尋找周董最愛之味
宜蘭旅遊:太平山森林遊樂區 清晨開園賞日出
巨型花燈 田寮奇幻月世界登場
網絡票選全台5大浪漫海灘

台灣打工換宿 5天牧場體驗包食住

日本大阪「肯德基吃到飽」