旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

【機票促銷】AIR DO 外國人優惠 全航線¥8800!9月1日開賣啦!

221
http://japanflight.tripstar.co.jp/images/pc/airline/ado/banner.png

出身於北海道嘅 ‪AIRDO‬ ‪北海道国際航空‬ 推出外國旅客專屬優惠,全航線單程票價¥8800,包20KG托運行李及機上飲品!羽田出發已經夠吸引,睇一睇個出發日子竟然有札幌雪祭‬嘅平機票喎!

呢個價錢絕對係超抵玩!AIRDO票價長期高企,飛北海道好多內陸機都只有AIRDO/JAL/ANA三家公司營運;如果比較三家的外國人優惠票價,AIRDO係三家之中最平!

北海道地方大,去 女満別 / 釧路 / 帯広 呢D離札幌勁遠嘅地方,如果行程要走回頭路嘅話會好浪費時間!(特急列車由札幌去釧路及女満別需要5小時!) 唔好以為AIRDO係細公司,負責往來北海道的航線好多年,而且係‎ANA‬的合作航空公司‬ 之一,服務水平評價好高!

接下來要介紹‎購票詳情‬,有意買機票一定要留意啊!
1:此票價只限持外國護照的旅客‬;搭乘時必須出示往來日本的電子機票‬!搭乘日期 ‪#‎必須是往來日本的機票中列明在日本停留的日期內‬;

2:開始預約時間為出發日2個月前的早上8點半至出發前1日, (例如:今日係9月10日,即係可以預約由9月11至11月10日的機票!如果想預約11月10日的機票,最早喺9月10日早上8點半就可以預約)

3:同Skymark一樣,搶到機票(預約成功)後唔需要即時俾錢‬,付款期限為預約日起計4日內,如果4日後仍未付款就會自動取消預約機位!

4:成功預約 / 付款後 不可以作任何更改日期或航班;如要申請退款,最遲要在搭乘航班日之後10日內提出,並且會收取手續費及罰款!

5:以下機場的出發及到達航班要加收機場使用費,東京(羽田) ¥290、名古屋(中部)¥310;

購票網址:http://www.airdo.jp/ap/index.html

訂票教學:http://sultt.pixnet.net/blog/post/29056729

官方資料:http://www.airdo.jp/company/press/pdf/2015/1117_150812.pdf

AIRDO航線:
東京(羽田) = 札幌/旭川/女満別/釧路/帯広/函館
札幌 = 仙台
札幌 = 神戸 / 岡山
札幌 = 名古屋(中部) / 広島
函館 = 名古屋(中部)

※都係果句啦,請某網站唔好再抄襲啦!呢篇文章留咗好多線索位,你一抄就會被人知道!※