旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

全港最大 80張澳洲 彈床 殺到九龍灣

0 278

你又彈,佢又彈,終於彈到嚟香港喇!來自澳洲嘅室內 彈床 樂園品牌Bounce會喺星期三 (7月15日) 正式開幕,係全港最大嘅室內 彈床 樂園。喺22,000呎嘅場地入面,有80幾張互相連接嘅 彈床 ,分為不同區域、不同難度,適合初學者嘅同時,尊業嘅飛躍者亦可以挑戰自己。

Bounce 彈床 九龍灣Emax

自由式區 FREE JUMPING

呢個區域係最大嘅 彈床 舞台,有25張相連 彈床 ,玩家可以隨意喺 彈床 之間跳躍,或者喺傾斜嘅轉角位反彈。不過要留意,基於安全理由,每張 彈床 只可以同時容納一個人,跳嘅時候記住留意附近有冇人喇。

Bounce 彈床 九龍灣Emax

牆跑區 THE WALL

牆跑絕對係難度分滿分嘅區域,係一個由奧運會標準嘅彈床(performance trampoline) ,幫你製造更強勁嘅彈力。玩家可以利用 彈床 嘅彈力,喺牆上面做出唔同嘅動作。不過由於難度較高,所以初學者就唔適合玩喇。

Bounce 彈床 九龍灣Emax

Bounce 彈床 九龍灣Emax

 

彈跳入樽 SLAM DUNK

外國近年開始流行一項由籃球演變出來的新玩意,稱為Slamball,在一個標準籃球場上,兩邊的籃底之下加裝幾塊 彈床 ,讓不夠高的球員都可以享受入樽的感覺。雖然呢度無標準籃球場,但單手入樽不是夢,只要喺呢個區域,利用 彈床 跑道嘅彈跳力,跳幾次建立咗高度之後,就可以輕鬆入樽。練多幾次之後,花式入樽都絕對難你唔到呀!

 

Bounce 彈床 九龍灣Emax

BIG BAG

顧名思義,呢區嘅賣點就係呢個大袋,呢個巨型充氣袋位於翻躍跑道嘅末端,坐落喺五英尺嘅深坑之上,係一個練習花式嘅好地方,可以毫無顧慮咁撻落充氣袋上面。

Bounce 彈床 九龍灣Emax

 

 

閃避球場 DODGEBALL

閃避球相信大家都玩過,但係彈住咁玩你又試過未?Dodgeball以8對8嘅形式進行,啱晒一大班朋友一齊玩,現場仲會有球證,確保大家喺冇犯規同埋安全嘅情況下進行遊戲。

Bounce 彈床 九龍灣Emax

巨型彈床 SUPER TRAMP

呢張4米x7米嘅巨型 彈床 ,符合奧運規格,彈力比一般 彈床 高,可以為玩家提供更高更彈嘅空中飛躍體驗!

Bounce 彈床 九龍灣Emax

 

Bounce 彈床 九龍灣Emax

教練話,玩 彈床 最緊要就係安全,所以場地入面嘅 彈床 全部符合國際標準,通過澳洲彈床公園協會嘅安全標準。而且每區都會有工作人員講解玩法同埋安全守則,加上場地規定玩家喺 彈床 樂園入面需要著住防跣襪 ($20),可以減少意外。

嚟玩 彈床 ,衣著最緊要舒適輕便,著長褲嘅話就可以預防失手嘅時候,畀 彈床 之間嘅磨擦力整親喇。而眼鏡、手錶呢類飾物係唔影響彈跳嘅,不過電話就最好放喺場外喇。

唔講唔知,原來玩10分鐘 彈床 ,運動量已經等於跑咗30分鐘,所以係一個既健康又好玩嘅室內運動。不過,初學者體能未必可以跳到太耐,因為好快就會開始喘氣,所以建議大家可以先試玩一個鐘,感受吓 彈床 上嘅感覺同埋離心力等等,千祈唔好心急想一步登天玩花式。

如果想畀小朋友嚟玩,而家長又唔想彈嘅話,場地特別設有唔同顏色嘅手帶作識別,家長可以免費入場照顧小朋友,不過就唔可以彈埋一份喇。

 

BOUNCE INC HK

地址:香港九龍灣展貿徑 1 號九龍灣國際展貿中心 EMAX 地下(顯示地圖
時間:星期日至四:上午九時至下午九時;星期五至六:上午九時至凌晨十二時
電話:25569555
網上預約:http://www.bounceinc.com.hk
費用:$150/小時
***一般時段只招待3歲及110cm以上人士,每日上午九時至下午四時另設兒童專場