旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

暑假巨獻 冰河世紀「冰」降香港 Arena上演最刺激又開心的音樂舞台劇

0 62

暑假巨獻  冰河世紀「冰」降香港 Arena上演最刺激又開心的音樂舞台劇 (絕密相片爆光)

呢幾日, 日日30幾度, 真係唔想出街, 但暑假點都要帶小朋友去下街街

唔想熱襯佢地又想有節目, 今個夏天就唔洗擔心啦~

因為香港亞洲國際博覽館Arena竟然起左成個巨大夢幻溜冰場出黎~

將大人小朋友都喜歡的賣座動畫《冰河世紀》化身音樂舞台劇

可以涼浸浸咁欣賞一場結合3D超大屏幕、驚險空中雜技、精彩蹓冰藝術、全360度特技效果,與電影完美結合的冰上表演, 係咪聽到都吸引呢?

以上呢張相片是夏沫早前親身到俄羅斯欣賞這套劇時拍攝的

參觀後台時, 看見台頂宏偉的設計, 全都是空中特技時用的, 設計非常之複雜啊~

而且還有3D超大屏幕同巨大夢幻溜冰場, 咁大個屏幕同冰場好期待啊~

不少人都知道夏沫的工作是同後台有關, 今次就同大家分享下 Site Visit 的相片啦~

凡係入後台都需要有證件隨身, 以便識別身份, 其實有好多種不同類型既證件架~

場外有隻「森仔」佈景版, 也拍攝留念了

未開場前緊係映下個冰場先啦~勁想落場踩下冰呀~

冰場同觀眾既距離非常之近, 基本上第一行行前三步就到左個冰台, 您絕對會感受到涼快享受

工作人員帶我們參觀後台及介紹整個製作團隊, 原來呢個SHOW有過百名國際頂級演員~

當中也有中國人啊~您們猜猜是那個角色? 哈哈~~

百多名不同國藉的台前幕後精英跟隨「冰河世紀LIVE!」世界巡迴演出超過30多個國家,

橫跨五大洲, 當中包括德國、瑞士、澳洲、俄羅斯、紐西蘭、捷克等等多個國家

亞洲區巡演第一站好榮幸地是「香港」啊~大家可以先賭為快, 仲唔洗專登飛去第二度

製作認真專業, 連貨櫃車都是專用的啊~竟然有20隻貨櫃之多,

相信如果一次過在香港行走一定引來大眾目光呀~

夏沫在俄羅斯睇了兩次, 第一次是俄羅斯文的, 根本完全聽不懂, 但也覺得非常吸引非常好睇

它的迷幻音樂、精彩蹓冰表演、搞笑抵死的動作, 完完全全地吸引我既目光

表演中途, 時不時會有不同角色在您附近走過, 還會和觀眾互動~

夏沫都忍不住要和他們合照一下~好多小朋友都紛紛興奮擁前呢~哈哈~~

不過說到底, 「冰河世紀」都是以廣東話最傳神,

主辦更特別邀請了李燦森聲演「冰河世紀」的靈魂人物樹獺「森仔 (Sid) 」

一連四集動畫都是李燦森聲演「森仔」的啊~相信大家聽到佢把聲一定感到熟悉又親切

而今次威武的劍齒虎「大阿哥 Diego」就邀請了擁有舞台風姿的蘇志威聲演

近乎瘋狂又經常唔見左個腦既軸鼠「亞北 Buck」就請來準備開演唱會的梁漢文聲演

當然唔少得主角長毛象「文輝 Manny」, 由應昌佑聲演,

及長毛象媽媽「愛莉 Ellie」由鄭欣宜聲演

負責跟配音工作的夏沫, 每次聽著他們抵死演繹, 令整間配音室都充滿歡笑聲呢~

今次「冰河世紀」演變為冰上音樂舞台劇,

又名「冰上動感 冰河世界 LIVE! 香港站 長毛象大冒險」

將於7月23至26日假香港亞洲國際博覽館Arena舉行一連 6 場音樂劇,

更以廣東話、英語及國語配音, 屆時除了《冰河世紀》中的角色

例如樹獺「森仔」、長毛象「文輝」和劍齒虎「大阿哥」等

更會加入新角色, 在舞台上以喜劇、功夫、溜冰、空中表演、馬戲團等元素,

栩栩如生地呈現觀眾眼前

除了睇騷, 場外還有益智攤位遊戲,好讓家長和小朋友一起享受家庭樂,

更有場外及場內巡遊舞表演, 想藉此表現既小朋友就要留意官方 Facebook 啦~

場外巡遊舞表演是免費的啊~

故事內容:

賣座動畫《冰河世紀》系列,長毛象「文輝 (Manny) 」、劍齒虎「大阿哥 (Diego)」、

樹獺「森仔 (Sid) 」等連同一班新朋友,齊齊玩轉冰天雪地。

今次的嶄新故事起始自冰源漸漸減少,三個老友為了生存一起踏上尋找新居之旅。

聯合編劇EllaLouiseAllaire為冰上表演帶來了不少新角色 :

狐狸、白熊、以及一隻白色史前巨鳥名叫幻影 (Shadow) 的邪惡老鷹。

旅途驚險刺激,森仔 (Sid) 被催眠、愛莉 (Ellie) 受傷、小長毛象蜜桃 (Peach)

更被全新登場的邪惡老鷹捉走了!

營救過程,緊張刺激;歷經了重重險阻才營救家人。

雖然任務成功了,但在回家路上,他們遭遇了雪崩,

落入一個奇妙的地下王國……最後結局如何,一定要親身入場才可以知道!

今個夏天,一同體驗史上最刺激又開心的冰上冒險之旅!

「冰上動感 冰河世界 LIVE! 香港站 長毛象大冒險」舞台音樂劇

地點:亞洲國際博覽館Arena

日期:2015年7月23-26日

門票:$680/ $500/ $380

(設有家庭套票,可以$2,400優惠價同時購買 4 張 $680 門票。)

售票地點:城市電腦售票網

演出時間:約120分鐘

「冰上動感 冰河世紀LIVE ! 香港站 長毛象大冒險」音樂劇相關資訊

訂購網站 : http://ticket.urbtix.hk/internet/zh_TW/eventDetail/26240

預告片 : https://youtu.be/lFjEdaV55oM

製作特輯 : https://youtu.be/tcGI630-l-U

配音幕後花絮: https://youtu.be/6szHx-6Dz5M

Facebook : https://www.facebook.com/pages/Ice-Age-Live-HK/838398926233294?fref=ts

 

原文:http://weshare.hk/lovecath/articles/4538388