台灣旅遊: 早前分別介紹咗多個台灣賞櫻勝地及24條位於台北嘅賞櫻步道，真係好方便。但如果你嚟緊嘅台北行程已經安排到密密麻麻，完全抽唔到身到市郊嘅話，其實台北市區內都有啲地方可以賞櫻，一齊睇吓！
信義區 松智公園
松智公園喺台北101同新光三越附近，Shopping醫肚前後賞花都超方便! 近年公園嘅寒櫻越來越受到矚目，同山櫻花唔同，寒櫻顏色較淡，多少咗艷麗，但多咗一份清新。雖然公園內嘅櫻花樹數量唔多，但喺正市中心交通方便，what more can I ask for? 
地址：台北市信義區松智路
內政部刑事警察局
位於松山文創園區旁嘅內政部刑事警察局係到誠品松菸嘅必經之路 (喺捷運市政府站前往的話)，門口一整排嘅櫻花入春後除除綻放，吸引唔少遊客駐足觀看，呢間警察局可以話係人氣最高呢!
地址：台北市信義區忠孝東路四段553巷5號
北投 復興三路櫻花隧道
復興三路櫻花隧道嘅日與夜各有風味，櫻花經已盛開，快啲去睇啦!
地址：台北市北投區復興三路150號（附近）
文山 小坑一號公園
由政大前面嘅萬壽路往上走就可到達小坑一號公園。公園種植咗180多棵山櫻花，染成一片緋紅色，成為大學生拍拖賞櫻勝地。
地點：文山區萬壽路62之1號旁（萬壽路旁、木柵二期重劃區內）
內湖 樂活公園
內湖區樂活公園內種有90棵櫻花樹，包括寒櫻、大島櫻、吉野櫻、昭和櫻及垂櫻等，盛開時形成漸變桃紅色嘅櫻花步道，非常漂亮。
地點：台北市內湖區東湖路與康樂街交叉
公館 自來水園區
台北自來水園區內種植嘅「河津櫻」為「大島櫻」同「寒緋櫻」嘅自然雜交品種，花瓣較一般櫻花大而且呈現淡粉紅色，為賞花客嘅最愛。
地址：台北市思源街一號
陽明公園櫻花林
有「台北後花園」美譽嘅陽明公園種有日本福岡捐贈嘅櫻花，遊客可以先到陽明山浸溫泉，再到公園漫步，欣賞滿樹璀璨綻放嘅山櫻花，浪漫非常。 
地址：台北市北投區湖山路二段
陽明山 平菁街42巷、93巷
陽明山嘅賞櫻勝地位於平菁街42巷，如果想避開人潮，不妨行去平菁街93巷，溪畔兩側亦都有百棵櫻花，為賞櫻秘地。
地址：台北市士林區平菁街42巷、93巷
來源：資料整理
台灣旅遊: 超方便! 台北24條賞櫻步道大集合
台灣美食: 跟住台灣人搵食 票選10大最讓人滿足燒肉店
台灣旅遊: 入墾丁唔再塞車! 屏東車城鄉沿海景觀道路正式通車
果迷好消息! 全球首間APPLE Outlet進駐台北
台灣旅遊: 回歸校園 全台7大絕美小學營地出爐！
台灣旅遊: 中部賞櫻秘地@八仙山森林遊樂區
台灣美食: 首度登陸台灣! 9大必吃美食@三井Outlet Park
台灣旅遊:全台最大迷宮 2-5起高雄登場
台灣旅遊: 高性價比! 高人氣! 全台灣精選旅宿出爐喇!
台北旅遊: 宮崎駿動畫展 6月盛夏登「台」!
台灣旅遊: 南投全新桃太郎村 唔使飛日本都睇到熊本城喇!