旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

台灣旅遊: 回歸校園 全台7大絕美小學營地出爐!

0 33

台灣旅遊: 相信各位露營發燒友都去過唔少地方露營,但講到喺小學校園露營你又試過未? 距離對上一次走進校園又係幾時呢? 台灣有啲小學喺假日期間會開放比公眾露營,當地嘅小學唔似香港果啲得4幅牆,好多都坐擁絕世靚景,一齊睇吓以下7大台灣絕美小學營地,好快你就會回歸校園,去露營瞓返晚。

有木國小
地址:新北市三峽區有木里131號1

有木國小顧名思義就係有樹木。校舍位於森林區,依山傍水,對面就係大豹溪,喺度露營可以順便玩水。(p.s. 仲可以用溪水嚟煲水!)

喺4、5月螢火蟲季,教室後方就可以睇到火金姑。要用電嘅話,司令台上就有插座,搭營喺司令台附近可以話係非常方便。


濂洞國小
地址:新北市瑞芳區濂洞里洞頂路101巷80號
2

位於瑞芳嘅濂洞國小入面有兩層樓高嘅滑梯,啱晒小朋友嚟玩。呢度附近嘅著名景點有黃藍雙色嘅陰陽海,碧海藍天景色超美。


福連國小
地址:新北市貢寮區福連街1號
3

位於福隆嘅福連國小前面就係是卯澳灣,以180度無敵海景聞名,簡直係豪華版露營,唔少民眾都鍾意前往戲水。校舍仲提供開放式淋浴,不過就冇熱水,但對去慣露營嘅你嚟講,冬天唔沖涼係常識吧。另外,營地亦冇提供接電以及BBQ設施,不過無敵海景已經完勝啦!


大溪國小
地址:宜蘭縣頭城鎮濱海路四段250號
4

位於宜蘭縣頭城鎮嘅大溪國小旁邊就係大海,擁有無敵海景兼可眺望龜山島。學校位於沙灘旁,所以沖沙專用水龍頭一應俱全,包括熱水、吹風機、男女分開嘅淋浴室,仲提供一間班房比你宿營,堪稱五星級嘅營地。


憲明國小附設福山營地
地址:宜蘭縣三星鄉福山街119號
5

台灣一般小學營地都會收費,但福山營地就唔同,佢嘅一般營地唔收場地使用費,僅收取水電、清潔費,慳返唔少。營地位置喺三星卜肉名店味珍香附近,方便大家唔使自己煮野食。以上總總原因都吸引到唔少露營初哥嚟玩架。


 

武塔國小
地址:宜蘭縣南澳鄉武塔村新溪路一號
6

武塔國小係一間泰雅族原住民國小,三面環山、坐擁一片翠綠草皮,係觀星好地方。營地以草皮為主,另有熱水供應及遮風避雨嘅涼亭等。


西寶國小
地址:花蓮縣秀林鄉富世村西寶11號
9

西寶國小位於中央山脈群入面,大豆營地被群山包圍,仲可以賞櫻花。呢度提供熱水嘅衛浴間約有4-6間。校舍以六角形嘅房屋相連,就好似蜂窩一樣,曾被《建築師雜誌》評選為年度最佳建築。


 

來源:資料整理


台灣套票 / 台灣機票


台灣旅遊: 中部賞櫻秘地@八仙山森林遊樂區
台灣美食: 首度登陸台灣!   9大必吃美食@三井Outlet Park
台灣旅遊:全台最大迷宮 2-5起高雄登場
台灣旅遊: 高性價比! 高人氣! 全台灣精選旅宿出爐喇!
台北旅遊: 宮崎駿動畫展 6月盛夏登「台」!
台灣旅遊: 唔shopping都有野玩@Plus Sega-三井Outlet Park
台灣旅遊: 南投全新桃太郎村  唔使飛日本都睇到熊本城喇!
台灣旅遊: 全台元宵燈會大集合
台灣旅遊: 武陵農場賞櫻攻略
台灣旅遊: 9大台灣北部最靚賞櫻地!
Yama Boys & Girls必讀! 台灣賞櫻兼露營熱點
即飛台灣! 同步賞楓葉&櫻花
台灣旅遊: 新景點 快D去朝聖