台灣旅遊: 千呼萬喚，位於台北林口嘅三井Outlet Park將會喺聽日開幕，一家四口嚟到呢個新景點朝聖嘅話，媽媽同女兒可以負責shopping，對買野興趣不大嘅爹哋同仔仔則可以到Sega所設立嘅Plus Sega玩住等。Plus Sega從日本、韓國引進最新穎嘅互動投影設施，好玩到分分鐘兩母女買完野到未夠喉呢!
Plus Sega主要分為三大區域，分別係一入門口就見到嘅超大波波池、電子繪本區及繪畫投影區。
波波池放咗將近8萬顆塑膠球，池內仲有艘船，小朋友見到一定想即刻跳入去玩。
喺電子繪本區度，小朋友可以喺螢幕上嘅繪本油上喜愛嘅顏色，油完之後仲可以即時Send去大螢幕上，咁作品就會展出喇。
繪畫投影區則提供圖畫紙、無毒蠟筆，完成親子畫作後，可以將作品交比工作人員SCAN，唔使幾耐，幅畫就會出現喺背後嘅大型海洋世界投影度。
交通方面，Outlet Park鄰近即將開通嘅捷運桃園機場線，而且仲有接駁巴士接載客人往返Outlet Park同和捷運站，而Outlet Park同6月正式營運嘅捷運林口站亦不過只係5分鐘步行時間，非常方便。
來源：資料整理
台灣旅遊: 南投全新桃太郎村 唔使飛日本都睇到熊本城喇!
台灣旅遊: 全台元宵燈會大集合
台灣旅遊: 武陵農場賞櫻攻略
台灣旅遊: 9大台灣北部最靚賞櫻地!
Yama Boys & Girls必讀! 台灣賞櫻兼露營熱點
即飛台灣! 同步賞楓葉&櫻花
台灣旅遊: 新景點 快D去朝聖
台灣旅遊: CNN評選2016地標 台北2建築上榜
台灣佛光山 CNN認證2016全球新興旅遊景點
台灣旅遊：三井Outlet明年0127開幕