旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

台灣旅遊: 全台元宵燈會大集合

0 51

今年西方情人節之後一個星期多就係元宵節,甜蜜氣氛滿瀉。慶祝元宵節除咗食湯丸外,賞花燈猜燈謎都絕對唔少得。元宵期間喺台灣旅行嘅不妨參加燈會感受氣氛,燈會橫跨北、中、南部,無論去到全台各地都可欣賞到美麗嘅花燈!


新北市平溪天燈節

2016新北市平溪天燈節將於2月11、14及22日三天舉行!平溪天燈節不但係電影「那些年,我們一起追的女孩」嘅招牌場境,更獲選National Geographic「全球十大冬季最佳旅遊首選」,亦被Discovery評為「世界第二大節慶嘉年華」。1
時間:11/2、14/2、22/2
地點:菁桐國小、平溪國中、十分廣場


嘉義跨年燈會

嘉義縣政府舉辦嘅燈會為期66天,陪市民度過除夕、農曆新年直到元宵節。燈會分為8大主題燈區,以嘉義當地特產及地景風貌為主題。
2
時間:即日起至22/2
地點:嘉義縣政府前、太子大道以及故宮南院周邊


台南月津港燈節

2016年台南月津港燈節將有60座主燈,創下歷年紀錄。花燈連結傳統節慶與當代藝術,非常有特色。
3
時間:30/1 – 28/2
地點:鹽水老街(台南市鹽水區橋南里橋南街)


花蓮太平洋燈會

花蓮太平洋燈會以最新技術打造水陸動態燈會,精彩嘅水光科技show、藍虎鯨光影show、3D光幕水舞show等每年都吸引百萬遊客朝聖,保證令你目不暇給。
4
時間:30/1 – 29/2
地點:花蓮市六期重劃區、鯉魚潭風景區


南投燈會

南投燈會環繞集集鎮鬧區,從集集火車站到集集古街,充滿懷舊風味。
5
時間:6/2 – 29/2
地點:南投縣集集鎮鎮假日廣場與集集、濁水及車埕等3個車站


高雄燈會藝術節

2016高雄燈會藝術節今年以猴年為主題,現場除特色花燈外,仲會有熱鬧嘅水上劇場、水岸煙火、燈飾光雕等精彩活動。
6
時間:10/2 – 22/2
地點:愛河兩岸(高雄橋 – 七賢橋)


台中豐原元宵燈會

一年一度嘅台中元宵燈會有得睇有得玩仲有得食! 除咗各式精主題花燈外,街頭藝術演出亦係亮點之一,燈會更設有美食文化區攤位,方便你邊行邊醫肚。7
時間:17/2 – 29/2
地點:台中市豐原區葫蘆墩公園


台北燈節

台北燈節將於在花博圓山公園登場! 活動更會送出「樂樂」可愛猴子小提燈,爹哋媽咪共度元宵節時亦可帶埋小朋友一齊參觀。8
時間:20/2 – 29/2
地點:花博圓山公園


彰化燈會

今年嘅彰化市全國花燈競賽以猴年為主題,館內展出眾多參賽者嘅作品,佢地嘅設計將令你嘆為觀止。
9
時間:20/2 – 6/3
地點:彰化藝術館(彰化市中山路2段542號)


桃園台灣燈會

每年嘅戲肉台灣燈會今年首度移師去桃園市舉行,燈會分為6大燈區,主燈達26公尺,為歷屆最高。更有玻璃花燈「宇宙塔」,為有史以來首度以玻璃作主要元素設計嘅花燈。
10
時間:22/2 – 6/3
地點:桃園青埔高鐵站周邊


來源:資料整理


台灣套票 / 台灣機票


台灣旅遊: 武陵農場賞櫻攻略
台灣旅遊: 9大台灣北部最靚賞櫻地!
Yama Boys & Girls必讀! 台灣賞櫻兼露營熱點
即飛台灣! 同步賞楓葉&櫻花
台灣旅遊: 新景點 快D去朝聖
台灣旅遊: CNN評選2016地標 台北2建築上榜
台灣佛光山 CNN認證2016全球新興旅遊景點
台灣旅遊:三井Outlet明年0127開幕