台灣旅遊: 9大台灣北部最靚賞櫻地!

By 心程旅遊 Stravel Last updated 4 月 26, 2016

台灣旅遊: 台灣櫻花季就到，相信各位諗住去賞花嘅朋友經已密鑼緊鼓，book 好晒機票酒店，只係唔知邊個地點賞櫻最靚。唔使愁喎，今日我地就帶大家一齊睇吓9個台灣北部最靚嘅賞櫻地，快啲bookmark定啦!

p.s. 仲未book機票? 即刻 Click入嚟搵至抵機票啦!

陽明山

可能你會話，陽明山大家都好熟悉，使乜介紹呀? 正正因為陽明山交通方便，吸引到好多人去賞櫻，往往被濟得水洩不通，先要share啲功略嘛。如果你諗住去陽明山，又怕影相時太多路人入鏡，你大可以到平菁街93巷內，溪畔兩側被百幾棵櫻花包圍，點影都得。

地址：台北市士林區平菁街93巷

北投復興三路櫻花隧道

有圖有真相! 復興三路櫻花隧道嘅日與夜各有風味。

地址：台北市北投區復興三路150號 (附近)

新北花園新城

位於新店嘅花園新城種植咗吉野櫻，大約2月中旬盛開得最燦爛。吉野櫻淡淡嘅粉紅比起台灣最常見嘅緋寒櫻及八重櫻多了一份氣質。

地址：新北市新店區花園二路一段1號

新北騰龍御櫻

新店另外一個賞櫻好去處。由於呢度種咗20幾種唔同品種嘅櫻花，唔同品種嘅開花期唔同，因此從1月底到3月中旬都仲可以睇到櫻花架!

地址：新北市新店區玉山路105號

新北無極天元宮

天元宮距離淡水市區唔遠，睇完櫻花再去淡水漁人碼頭睇日落，fit晒! 天元宮嘅櫻花於二月下旬到三月底盛開，係last minute賞櫻必到!

地址：新北市淡水區水源里北新路三段30號

桃園恩愛農場

今年嘅台灣燈會於2月22日開始至3月6日，咁啱位於桃園嘅恩愛農場櫻花林，花期預測為2月下旬至3月下旬，去桃園賞花又賞燈，一舉兩得!

地址：桃園市復興鄉華陵村中心農路號143-1

桃園拉拉山

拉拉山睇紅葉好出名，睇櫻花都唔弱架！拉拉山神木路中巴陵教會附近，漫山開遍粉紅櫻花，彷彿進入櫻花隧道！

地址：桃116線 (中巴陵教會)

新竹公園 (玻璃工藝博物館)

新竹公園係新竹市最接近市區嘅賞櫻景點，櫻花預計會喺2月中上旬盛開，公園種滿河津櫻及富士櫻等，唔講以為自己去咗伊豆!

地址：新竹市公園路

苗栗蓮台山妙音淨苑

位在苗栗山上嘅蓮台山妙音淨苑，大約二月中下旬就會有櫻花盛開，運氣好嘅話仲可以睇到雲海。

地址：苗栗縣獅潭鄉大興窩20之6號