台灣旅遊: 潮流興「山系」，行山露營除咗夠潮之外，仲可以舒緩壓力，遠離煩囂，的確係賞心樂事。台灣嘅櫻花花季就到，各位 Yama Boys & Girls 如果嚟緊諗住去台灣賞花嘅話，不妨選擇以下呢5個可以賞櫻兼露營嘅地方，一次過滿足晒3個願望！
櫻之林露營區
位於新竹五峰山區大隘部落嘅櫻之林露營區本來係自家經營嘅農場，由於主人種植咗數以百計嘅櫻花樹，包括吉野櫻、富士櫻、八重櫻、寒緋櫻、大島櫻、昭和櫻、大觀櫻等品種，農場慢慢成為賞櫻好去處，而老闆亦將呢度改造成露營區。
除咗喺2、3月嚟賞櫻之外，櫻之林露營區喺螢火蟲季節時亦非常壯觀，最多可見到上萬隻螢火蟲。遊客除咗露營外，亦可到附近嘅賽夏族民俗文物館參觀，認識一下原住民文化。
地址：新竹縣五峰鄉大隘村14鄰270-1號
知泉渡假山莊
每逢春天，知泉渡假山莊嘅庭園都會非常搶眼，因為喺桃紅色嘅山櫻花都會漫山開遍，奪目耀眼。
隨著季節變化，油桐花、野百合、金針花、螢火蟲、甲蟲等亦會隨之出現，係親親大自然嘅絕佳去處。落雨唔想露營嘅話，呢度仲有傳統嘅三合院住宿，提供另外一個住宿選擇。
地址：苗栗縣南庄鄉蓬萊村8鄰139號
櫻花鳥森林露營區
位於台中新社嘅櫻花鳥森林同時經營餐廳、露營地、生態園區等。園區栽種咗超過數千棵櫻花，花季時美不勝收。櫻花鳥森林特別規劃咗櫻花隧道，讓遊客一邊散步，一邊被櫻花簇擁。櫻花鳥森林仲有自己嘅火車站，小火車車程約8分鐘，沿途會經過小橋、山洞，係另外一種賞花嘅好方法。
地址：台中市新社區協中街6號
武陵農場露營區
好多楓葉櫻花功略都會提到嘅武陵農場可以話係最多人認識嘅賞櫻地方。武陵農場提供露營屋、空中帳篷等設施，想一嚐露營樂又唔想帶咁多行李嘅朋友可以一試；而追求自己一手一腳搭帳篷嘅朋友亦可以喺農場空地紮營，過足露營癮!
地址：台中市和平區平等里武陵路3號
太魯灣溫泉露營區
嫌賞櫻太單調? 嚟太魯灣溫泉露營區就啱晒。呢度除咗開滿八重櫻之外，仲有溫泉浸! 半露天溫泉分為冷熱水池，賞完花搭完營再嚟浸下溫泉relax下，你都咪話唔爽!
地址：南投縣仁愛鄉春陽部落
來源：資料整理
即飛台灣! 同步賞楓葉&櫻花
台灣旅遊: 新景點 快D去朝聖
台灣旅遊: CNN評選2016地標 台北2建築上榜
台灣佛光山 CNN認證2016全球新興旅遊景點
台灣旅遊：三井Outlet明年0127開幕
2016年12個必到旅遊地區 台灣入選
2016台灣熱氣球嘉年華 台東敲定
台北旅遊: 機場捷運桃園站首座美式OUTLET18日開幕
台灣旅遊: 百隻「羊來了」12/12登陸基隆廣場
台灣高鐵12月新優惠及新行車時間表
台灣旅遊：LED白玫瑰燈海