台灣民宿 (中部): 愛力家生活村位於清境翠湖步道內，鄰近清境景點如小瑞士花園、青青草原、統一商圈遊客中心等，步行5分鐘已可到達便利店，買宵夜fit晒，非常方便。愛力家亦係清境範圍內比較大型嘅民宿之一，有成2000坪咁多，佔地廣闊，客房以原木興建，仲有健康休閒步道、兒童遊戲區、露天咖啡廣場、火鍋餐廳等，設施媲美酒店。
一般民宿主人多數會喺玄關位為客人check in，愛力家就唔同喇，為咗應付30間客房嘅客人，特別設有接待中心呢!
木屋造型非常原始
房間嘅地板同天花都係檜木嚟架，營造出溫馨嘅風格
做research果陣發現，愛力家嘅夢幻雲彩房型有天窗可以觀星，而紫雲樓房型則有大浴缸，究竟住邊間好呀?
我地最後揀咗紫雲樓2人房
因為要觀星嘅話，可以出去露台或者coffee shop，個view仲wide呢!
景觀真係好開揚呀
愛力家令一個賣點就係火鍋館，據聞係清境唯一一間任食火鍋嚟㗎（肉除外），喺清境清涼嘅天氣下打個邊爐，你都咪話唔爽!
食飽飽返入房浸個浴，清境之行認真relaxing!
p.s. 民宿仲有4人房及6人房，啱晒一家人
地址: 南投縣仁愛鄉大同村榮光巷9-1-1號
台灣民宿 (中部): 留喺民宿睇日出 @ 日光青境
台中遊記: 青青草原數綿羊
台灣民宿 (中部): 明宿 – 日式禪風民宿讓你放下煩囂
台灣民宿 (中部): 原森林民宿 – 簡約MUJI風民宿
台灣民宿 (中部): 秘密花園 – 融入大自然之hipster 設計民宿
台灣民宿 (中部): 仿如玻璃盒子 – 浪漫滿屋 戀愛故事館
台灣民宿 (中部): 山季花園 – 民宿內都可以玩足一日
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
2C台中遊記
小V花東遊記
2C宜蘭遊記