旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

台灣民宿 (中部): 留喺民宿睇日出 @ 日光青境

0 171

台灣民宿 (中部): 離青青草原不到10分鐘車程,就返到今次住嘅民宿日光青境喇。你冇睇錯,我地亦都冇打錯字,民宿位於清境,但卻命名為 「青」境,食字之餘亦帶出民宿四周青山延綿不斷,景觀開揚。
10 (1)

民宿設計簡約,雖然冇老英格蘭莊園嘅華麗,卻有種度假木屋嘅感覺。大多數房間都有觀景露台,客人唔使上合歡山已經可以睇日出。2
民宿仲特別規劃咗觀景長廊,長廊上放置桌椅,讓客人可以盡情欣賞山景、雲海及星空,仲有機會睇到流星添!
10 (3)

日光青境座落於嘅地方可以遠眺奇萊山及合歡山嘅壯麗群峰,山中天氣千變萬化,幾分鐘前艷陽高照,幾分鐘後已雲霧瀰漫,影time lapse最啱! 民宿同清境農場距離唔遠,方便晒要到青青草原或由青青草原返嚟嘅住客!
4

今次入住嘅閣樓雙人房 (雲頂南)係民宿數一數二有浴缸嘅房種。房間佈置依然簡樸,冇多餘嘅裝飾。槐木建成嘅屋頂帶比我地回歸大自然嘅感覺。10 (7) 10 (8)

山上天氣偏涼,唔需要開冷氣,房間內只係得電風扇,但已經足夠,計我地話吹風扇仲好呀,皮膚唔會比冷氣抽乾晒~

房間露台同浴室都可以盡覽一望無遺嘅山景,而歐式設計嘅老英格蘭莊園亦近在咫尺,遠睇,建築物好有奧地利小鎮Hallstatt嘅感覺呢!
3
10 (5) 10 (4)

好多人話去清境一定要上合歡山睇日出,我地就覺得唔一定嘅,depends on你住邊間民宿啦~日光青境個view咁開揚,又使咩凌晨3點起身上山喎,留喺民宿內睇咪得囉!
民宿主人仲好nice咁帶我地參觀同講解清境周邊嘅環境,包括中央山脈同自家菜園等,想知更多? 即刻去片啦!

地址: 南投縣仁愛鄉 大同村壽亭巷31號


台中套票


台中遊記: 青青草原數綿羊
台灣民宿 (中部): 明宿 – 日式禪風民宿讓你放下煩囂
台灣民宿 (中部): 原森林民宿 – 簡約MUJI風民宿
台灣民宿 (中部): 秘密花園 – 融入大自然之hipster 設計民宿
台灣民宿 (中部): 仿如玻璃盒子 – 浪漫滿屋 戀愛故事館
台灣民宿 (中部): 山季花園 – 民宿內都可以玩足一日
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
2C台中遊記
小V花東遊記
2C宜蘭遊記