台中遊記: 嚟到台中，除咗遊覽日月潭區域同住靚民宿之外，當然要上清境喺藍天白雲底下親親綿羊啦! 
清境農場分咗幾part，當中人氣最旺嘅景點當然係青青草原~
青青草原嘅草地綿延不盡，羊群不時穿梭其中，此情此景真係以為自己身處瑞士。
一早嚟到，見唔係太多人住，即刻把握時間去綿羊城堡探羊羊先！
聞說住喺城堡嘅綿羊係小羊黎架，唔怪得仲有baby fat啦! 
嘩嘩嘩嘩! 掛住同小羊玩，差啲唔記得要行落綿羊秀場添! 綿羊SHOW逢假日先有，分早場同下午場，係清境農場嘅生招牌嚟架! 遠睇，綿羊SHOW場已經人山人海喇…
好多遊客都唯有喺山上席地而坐，我地都唔例外
綿羊SHOW開始喇! 牧羊犬先出嚟趕羊，然後大批羊群就會為咗躲避牧羊犬嘅追殺，一齊奔馳而下，場面相當壯觀呢!
一堆羊一齊向前衝，呢啲可能就係羊群心理，哈哈
仲有脫衣Show，唔好諗歪，係綿羊脫衣Show呢～我地著嘅羊毛大衣全靠羊咩咩架
下午時段羊咩咩可以到處走，想餵綿羊嘅記住向農場小攤檔購買、唔好亂咁餵其他野呀，因為呢度啲飼料先至最適合綿羊嘅
綿羊好為食，為咗食睇吓佢地幾黐人
毛絨絨真係好得意呀!
綿羊開餐後到我地開餐喇，未試過飲羊奶嘅我地緊係要買嚟試下啦，估唔到羊奶同羊奶酪都幾好食喎，初初仲怕會好似食羊肉咁有啲臊，點知一啲臊味都冇
農場咁大，大家可以把握時間，行去其餘幾區參觀，以我地所知，觀山牧區係有馬術睇架!
不過我地見天氣咁好，就冇行過去喇。喺海拔1,800上，加上藍天白雲，咩都唔做瞓喺草地度曬日光浴已經好嘆
曬到咁下午3點零，我地就急不及待落山，行去民宿check in喇~想知我地喺清境住咗邊幾間靚民宿? 就要FOLLOW住之後嘅遊記喇!
地址：南投縣仁愛鄉大同村仁和路170號
台灣民宿 (中部): 愛黏在一起設計師旅宿 散發時尚設計元素
台灣民宿 (中部): 明宿 – 日式禪風民宿讓你放下煩囂
台灣民宿 (中部): 原森林民宿 – 簡約MUJI風民宿
台灣民宿 (中部): 秘密花園 – 融入大自然之hipster 設計民宿
台灣民宿 (中部): 仿如玻璃盒子 – 浪漫滿屋 戀愛故事館
台灣民宿 (中部): 山季花園 – 民宿內都可以玩足一日
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
2C台中遊記
小V花東遊記
2C宜蘭遊記