台灣民宿 (中部): 聽到「愛黏在一起。設計師旅宿」嘅故事，就會覺得好有陶淵明歸園田居嘅感覺：兩夫妻原本喺台中從事室內設計逾20年，於母親離世後，驚醒自己唔想再過埋啲營營役役嘅生活，於是就喺家鄉南投、金龍山腳下，亦即屋主母親遺留下嘅一塊濕地上，興建一棟完全屬於自己風格嘅特色建築，並開始經營民宿。
以白牆清水模配以７米高落地窗為主體，「愛黏在一起。設計師旅宿」建築外觀走簡潔明亮路線，
室內牆上則以繽紛色彩構成，讓色彩及自然光穿透落地窗戶，向外與大自然形成一幅風景畫作，向內則引進天然光線，非常環保。
時尚嘅大廳跳脫咁懸吊咗一個古老嘅舂，原來呢個係用嚟搗麻糬嘅舂，而且仲係老闆屋企傳承落嚟，用嚟做裝飾品夠晒仲加添一份溫暖感。
民宿每間房都可以觀賞到周邊嘅山景，而3間雙人房都有屋主嘅親筆彩繪，一齊睇吓今次住嘅「彩色閃電」房型啦!
設計風格艷麗濃烈之餘亦不失協調，夫妻不愧為專業室內設計師!
仲有成塊好似黑板咁嘅牆，延展空間感
房間每件擺設都係屋主落足心機搜羅返嚟，包括呢兩個行李風床頭櫃、燈膽型吊燈
仲有呢個由開瓶器同樽蓋組成嘅衣架，夠晒物盡其用!
仲採用Loccitane沐浴用品，抵返晒啦!
同屋主夫婦傾計，先至知道民宿背後嘅故事，原來返鄉下唔一定係耕田架，用自己嘅專長默默耕耘，反而可以另闖一片天呢!
地址：南投縣魚池鄉新城村修正巷3號之12
台灣民宿 (中部): 明宿 – 日式禪風民宿讓你放下煩囂
台灣民宿 (中部): 原森林民宿 – 簡約MUJI風民宿
台灣民宿 (中部): 秘密花園 – 融入大自然之hipster 設計民宿
台灣民宿 (中部): 仿如玻璃盒子 – 浪漫滿屋 戀愛故事館
台灣民宿 (中部): 山季花園 – 民宿內都可以玩足一日
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
2C台中遊記
小V花東遊記
2C宜蘭遊記