旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

台灣民宿 (中部): 明宿 – 日式禪風民宿讓你放下煩囂

0 439

台灣民宿 (中部): 日月潭景色優美就係人都知,近年日月潭周邊嘅民宿多如雨後春筍,點揀好你又知唔知? 主打日式風,明宿無論係建築抑或內部格局,都完美呈現出傳統日式風格。一排5連幢線條分明嘅木造日式房舍矗立喺環湖公路旁嘅草坪,環境清幽。
3

明宿

明宿係我地今次台中之旅最鍾意嘅民宿之一,公主風嘅民宿我地之前都住得多,但偏偏未試過住全和風嘅民宿(就連去日本,住嘅地方都冇呢度咁日式呀),所以一望到明宿嘅外型經已好impressed!
b10564_20130118152318_5

遵循傳統日式結構,每間房舍都有迴廊、凸窗,地基更置入竹炭防潮,完全反映出日式建築嘅細心位。採用台灣嘅木材建造,為咗保持樸雅自然,屋內嘅原木僅經過打磨,並未上任何漆,夠晒raw。7

5連幢嘅明宿共有5個房間,分別以南投舊地名命名,一進房間,木頭香氣撲鼻而來。10

房間雖然冇任何裝飾,但縱橫交錯嘅樑柱已經有裝飾嘅功能
1

睇吓,真係冇任何多餘嘅擺設,但反而咁樣先令到我地呢啲都市人可以好好享受恬靜時光,體會真正旅行的意義6
浴缸以紋石打造,好有浸溫泉嘅感覺呢!
11

近年,室內設計界興起禪風,好多設計師將ZEN禪風嘅定義局限為簡單線條同天然建材,卻往往忽略咗最重要嘅一環:禪風應該讓人有寧靜嘅思考場域。
9

明宿就正正符合埋呢一環! 除咗臥舖位同浴室,房間仲有一個比住客品茗嘅茶室小空間,老闆更提供著名嘅日月潭阿薩姆茶葉,等我地可以從日常煩囂停落嚟,細味生活。
8

民宿主人仲養咗隻叫大雄嘅老虎狗,大雄超溫馴,同外型好大對比呢
5

西式style嘅早餐就食得多,嚟到明宿,台日式FUSION早餐有蕃薯、炒蛋同燒秋刀魚等,反而更令人驚喜
12

總括嚟講,明宿令我地有好多意想不到嘅地方:冇諗過冇任何裝飾都會覺得靚、冇諗過民宿房間會設有一個空間品茶、冇諗過簡單嘅早餐反而令人充滿幸福感、冇諗過個樣惡惡地嘅老虎狗完來係咁可愛嘅……太多發現係喺日常生活中蒙蔽咗嘅,好慶幸今次嘅明宿體驗令我地可以喺繁忙嘅生活得到喘息。

地址: 南投魚池鄉頭社村平和巷78號


台中套票


台灣民宿 (中部): 原森林民宿 – 簡約MUJI風民宿
台灣民宿 (中部): 秘密花園 – 融入大自然之hipster 設計民宿
台灣民宿 (中部): 仿如玻璃盒子 – 浪漫滿屋 戀愛故事館
台灣民宿 (中部): 山季花園 – 民宿內都可以玩足一日
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
小V花東遊記
2C宜蘭遊記

發表評論