旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

台灣民宿 (中部): 原森林民宿 – 簡約MUJI風民宿

0 212

台灣民宿 (中部): 日月潭景色優美就係人都知,近年日月潭周邊嘅民宿多如雨後春筍,點揀好你又知唔知? 如果你係走開簡約清新風嘅話,原森林民宿就啱晒你心水。距離日月潭車程只需5分鐘,一到達原森林,我地就深深被佢嘅建築風格吸引住,柚木為主嘅裝潢以簡約不失細緻嘅裝飾襯托著,唔講真係以為自己去咗MUJI呀!
1 (17)

民宿同時坐擁山景同魚池鄉嘅景色,加上以原木材建成嘅窗戶、牆壁、地板、樓梯等,充滿原始風味,夠晒原森林。
1 (33)

原森林另一個大賣點就係戶外泳池,好少民宿會有泳池㗎,仲要係置身喺山林中邊游邊欣賞周邊美景,超讚!
1 (34)

民宿適合唔同類型嘅住客,無論你想過二人世界抑或係一家大細出遊,原森林嘅房種都能夠滿足你嘅要求。

今次我地住嘅係全景星空房,一入房就聞到陣陣木香,非常清新!
room 2    room 5
浴室同房間採用半開放式設計,鍾意點用都得! (唔洗擔心,度門可以拉埋嘅)

room
全景星空房,顧名思義就係瞓喺到都望到個天!睇吓對正張床嘅天窗啦,實在太正!

room 3
房間嘅燈制全部都係輕觸式,夠晒high tech!

room 4
設計仲好設合現代人需要:插座喺正床頭,啱晒我地臨瞓前一邊叉電一邊upload相!

第2朝食早餐嘅地方餐廳位於頂樓,非常寬敞,仲有個小型”infinity pool”,雖然呢個池唔游得水,但個景殺晒
1 (27)1 (32)

之後我地仲睇埋適合親子出遊嘅房型添~

森林四人房 – 唔只一家人,其實成班friend都可以share嚟住架,不過嚟要猜包剪揼睇吓邊個瞓碌架床囉
1 (6)
森林親子房 – 有滑梯及攀石,唔單止小朋友,就連我地見到都心花怒放! 小朋友玩到攰仲可以選擇瞓喺帳篷,享受”露營”嘅樂趣
1 (1) 1 (14) 1 (15)

星空城堡親子房則有觀星天窗同城堡型滑梯!
1 (2) 1 (20) 1 (24)

以為原森林民宿行大自然風,設施都只係會提供最基本簡單果啲。點知民宿結合大自然景觀之餘亦配上現代化設備,擁抱原始森林亦不失現代感,真係好有MUJI嘅感覺,令我地好有驚喜!

原森林民宿,誠意推薦比大家! 🙂

地址: 南投縣魚池鄉中明村文化巷39號


台中套票


台灣民宿 (中部): 秘密花園 – 融入大自然之hipster 設計民宿
台灣民宿 (中部): 仿如玻璃盒子 – 浪漫滿屋 戀愛故事館
台灣民宿 (中部): 山季花園 – 民宿內都可以玩足一日
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
小V花東遊記
2C宜蘭遊記