旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

台灣民宿 (中部): 秘密花園 – 融入大自然之hipster 設計民宿

0 37

台灣民宿 (中部): 日月潭景色優美就係人都知,近年日月潭周邊嘅民宿多如雨後春筍,點揀好你又知唔知? 今次介紹嘅民宿秘密花園,單係環境已經夠晒chill,啱晒我地呢啲追求生活態度嘅人呀!

秘密花園     

提起秘密花園,可能你會聯想到早前風靡香港書展嘅同名填色冊;其實兩者有異曲同工之妙:都一樣能夠令人舒緩壓力。
1 (5)

生活係石屎森林嘅香港人有幾耐冇試過被大自然包圍住,放鬆一下呢? 原本秘密花園只係屋主吳宗憲 (冇錯! 同名同姓) 為家人而建,退休之後為咗讓更多朋友能夠享受大自然,先將住屋開放為民宿。
1 (1)

喺前往民宿嘅路上,終於知道點解佢會命名為秘密花園喇! 民宿要先經過一所基督學院旁邊,再穿過阿薩姆紅茶園才到達,真係秘密呀,不過咁亦都保證民宿深入大自然,別有洞天。
1 (21)

呢度係屋主一家人嘅屋,hipster佈置令人感覺到佢地一家係幾咁有生活品味。1 (6)
1 (8)
1 (15)

枱面有好多裝飾都係利用酒樽循環再用而成,環保得嚟又有型格
1 (18)
1 (17)

民宿嘅客房以唔同嘅木材打造,所以亦根據唔同嘅木材命名,包括以柚木搭建嘅「柚香」雙人房,以相思木作主要素材嘅「相思」客房等。房間每處都係以木材、布料同植物構成,營造好relaxing好chill嘅氛圍,所以我地都好好瞓。
1 (4)
1 (23)

最最最鍾意就係呢組玻璃地板,同台劇「我可能不會愛你」中又青姐嘅房間一模一樣㗎!!!
1 (3) 2

同民宿女主人傾計,知道更多關於民宿嘅威水史。原來吳宗憲係完全冇建築背景,只係利用磚、鋼材、木材等環保建材,一磚一柱砌出一幢環保建築,南投受到911強烈地震侵襲時,秘密花園仍然可以保持絲毫無損,所以之後民宿吸引咗唔少專家嚟考察呢,認真厲害!
1 (19)
1 (20)

第二朝食埋個早餐又再出發喇!
1 (25)

地址: 南投縣魚池鄉魚池村瓊文巷39號


台中套票


台灣民宿 (中部): 仿如玻璃盒子 – 浪漫滿屋 戀愛故事館
台灣民宿 (中部): 山季花園 – 民宿內都可以玩足一日
台灣民宿 (中部): 遇見幸福@Bliss幸福天使花園
台中遊記: 2C帶你搭日月潭纜車玩盡九族文化村
小V花東遊記
2C宜蘭遊記