台中遊記: 近年港人玩台灣已經唔再局限去咁城市feel嘅台北同高雄；好多朋友都會想一個trip玩勻城市同大自然，感受兩種截然不同嘅台灣風情，所以經台北入宜蘭或者經台中入清境都大受旅客歡迎。上次2C帶大家玩完宜蘭，今次終於嚟到台中喇! 想知去台中周圍同清境住咩民宿同有咩好玩? 咁就要follow實嚟緊嘅2C遊記喇!
去清境好多時都會喺台中stay返幾晚，咁樣就可以寄存個行李係市區酒店，上山唔使綁手綁腳咁狼狽。但喺去到台中，冇理由唔玩吓咁晒嘛，今次2C先將介紹台中必遊嘅招牌景點：日月潭同九族文化村，一齊睇吓!
被譽為台灣八景之一嘅日月潭係台灣第二大湖泊，景色優美。遊湖方法有纜車、搭船同巴士，我地緊係選擇搭纜車啦，可以由高而下俯瞰日月潭美景，兼接駁至我地最嘅目的地: 九族文化村，一舉兩得。
開始喇! 睇吓我地搭纜車嘅情況~
唔使15分鐘車程，我地就入到九族文化村喇!
九族文化村係一座以台灣原住民九大族群為主題嘅樂園，結合各個族群嘅文化特色元素，包括泰雅族、賽夏族、鄒族、布農族、卑南族、魯凱族、達悟族、阿美族以及排灣族等，讓遊客對台灣嘅族群有更深入嘅了解。
族群嘅紡織品真係好靚呀!
樂園亦設有機動遊戲，包括海盜船、自由落體UFO、過山車等，鍾意刺激野嘅你絕對唔可以錯過，不過細膽嘅我地淨係夠膽坐木馬同海盜船咋…
樂園亦有餐廳被遊客醫肚，好彩我地有先見知明，唔係食飽先玩機動遊戲，如果唔係應該嘔晒出嚟……….
食支雪糕同粟米定吓驚先!
食完野恢復精神，又係時間再玩過喇! 見到有原住民跳舞，即刻忍唔住埋一份! 去片~
嫌跳舞未夠喉？遊客們仲可以好似我地咁，試吓射箭，體驗以前原住民嘅生活方式～睇吓我地幾有動感
九族文化村除左多野玩之外，風景都好靚架，一場嚟到，記住影返幾張selfie先走呀!
園內其他景觀
小火車
最後，緊係唔少得掃返啲手信比屋企人同朋友啦，咁多咁靚嘅特色民族紡織品，睇到我地眼花繚亂@@
想知台中周圍同清境仲有咩好玩、同埋揀邊間民宿好? 咁就要follow實我地喇!
日月潭
地址:台灣南投縣魚池鄉中山路599號
九族文化村
地址:台灣南投縣魚池鄉金天巷45號
小V花東遊記
2C宜蘭遊記
泰好買! 泰國5個必去假日市集
日本最美的單車徑-大分縣單車道
韓國賞楓2015最佳推薦TOP5
嚴選日本8大最美賞楓之地
台北美食: 打邊爐之前修修甲先 – 海底撈登「台」喇!
台北美食: 5間人氣日式燒肉店
至醒7招分享-可靠酒店網絡評價
一次過睇晒阿爾卑斯山脈三連峰