韓國旅遊: 家陣好多人去旅行都會買即食麵返嚟，貪其送禮做手信定自用都咁實用。韓國即食麵種類超多，唔想次次都買泡菜味即食麵、芝士麵或者農X牌嘅話，其實仲有好多其他口味揀架，一齊睇吓5大最受韓國女生歡迎嘅即食麵，再準備你嘅手信checklist喇!
5. 浣熊炸醬麵
浣熊炸醬麵其實係辣味浣熊麵同炸醬麵撈埋一齊嘅菜式，有咩咁特別呢? 除咗隨浣熊麵附有嘅兩塊海帶外，當然係因為節目「爸爸去哪兒」啦~原本呢道菜係民國爸爸嘅暗黑料理，但各小朋友都食到津津有味，尤其係尹厚，反應咁好，唔係唔試吓嘛?
4. 辣雞炒麵
嗜辣嘅朋友一定唔可以錯過呢款就連韓國人都話辣嘅辣雞炒麵! 辣雞炒麵更曾入選2013年The Ramen Rater年度十大最辣即食麵嘅第2位，可想而知有幾辣。想食得豐富啲，不妨加入牛奶、芝士片同香腸一齊煮，韓式辣味Carbonara咁就大功告成喇。
3. 芝麻拉麵
韓國年度銷量第一嘅芝麻拉麵其實即係麻油麵，但比起香港食到嘅濃郁好多亦香好多。除咗調味嘅微辣麻油外，配料包內嘅壓縮蛋塊亦係芝麻拉麵受歡迎嘅原因之一。
2. 天婦羅烏冬麵
謝天謝地，終於有個麵係唔辣架喇，啱晒小編呢啲唔食得辣嘅人。最吸引就係作為配料嘅豆腐乾，吸收咗湯汁精華之後非常入味。
1. 육개장
牛肉湯辣得嚟非常惹味，加上麵條細嫩彈牙，更容易吸附湯汁，由於太好食嘅關係，香港好多賣韓國野嘅地方都有得賣，變咗唔夠特別添…
精選5家極具人氣牛肉麵店
台灣美食: 嚴選台灣最好飲珍珠奶茶
小V花東遊記
2C宜蘭遊記
泰好買! 泰國5個必去假日市集
日本最美的單車徑-大分縣單車道
韓國賞楓2015最佳推薦TOP5