台灣民宿(東部):回歸民宿基本步@花蓮民宿柚子家

By 心程旅遊 Stravel Last updated 4 月 25, 2016

台灣民宿(東部):有啲旅人住民宿係為咗精品風嘅裝潢，而有啲旅人住民宿則係為咗同屋主交流，體驗當地生活。屬於前者嘅民宿就介紹得多，係時候為大家介紹呢間回歸基本步嘅民宿: 柚子家

台灣嘅民宿多如繁星，但豪華嘅代價可能係犧牲咗人情味，雖然有啲人旅行時並唔想比人打擾，但亦有人行另一套style，住民宿就係要做幾日「本地人」，同要當地人交流。如果你係後者，咁柚子家一定唔會令你失望。

柚子家沒有華麗的裝潢，卻深深帶給旅人一種溫馨感。

一踏進民宿，最佳店長比高犬三間仔便會搖著尾巴歡迎你

民宿內的一景一物都是由男女主人一起打造的，手工製作嘅包括可愛嘅柚子logo、新鮮手作早餐如豆漿、麵包、果醬，還有女主人手繪花蓮市私房美食地圖，樸實之餘不失雅緻。

柚子一家人非常熱情，天南地北永遠講不完。原來「柚子」係女主人嘅名字，男主人則叫「小羅」，曾經係一位工程師，因為太鍾意花蓮嘅關係而放低老家穩定嘅工作，去花蓮開民宿，一住就住咗10年，堪稱半個當地人。

話明回歸基本步，柚子家嘅房間當然係走簡約風啦~房間分成兩個區域，一邊擺放著書桌同電視，另一邊放床鋪同沙發等，床鋪就日式簡約style，雖然冇床架，但係幾好瞓架！

浴室以灰牆分隔，牆上更有柚子圖案嘅馬賽克裝飾，簡單中盡顯心思。

喺度住宿嘅話，柚子家仲會提供一日嘅早餐，早餐係民宿主人親手製作嘅，包括全麥麵包、水果沙律、有機蕃薯等，仲有招牌菜：濃郁即磨豆漿，讓住客們以美食打開話匣子，展開交流。

p.s. 雖然三間仔係美食愛好者，但為咗佢健康著想，記住唔好亂咁餵食呀

沒有豪華裝潢，卻帶比客人陣陣溫暖同窩心，唔怪得柚子家喺花蓮眾多民宿中大獲好評啦！

柚子家
地址: 花蓮縣花蓮市北濱街 43 號

有關交通及地址：按此
其他台灣民宿(東部)：按此