台灣民宿(東部): 繼續置身人間仙境@花蓮民宿雲山水Villa Home

By 心程旅遊 Stravel Last updated 4 月 25, 2016

花蓮民宿: 上次介紹完雲山水嘅位置同附近嘅夢幻湖景觀後，今次就睇吓民宿入面嘅環境啦！走歐洲風嘅雲山水 Villa Home被網友評為全台最美十大民宿票選第一名! 可想而知有幾靚~

花蓮海岸線長達124公里，以自然觀光資源聞名，包括享負盛名嘅太魯閣同七星潭，而曾係花蓮秘境嘅雲山水夢幻湖，亦因為女神林依晨喺呢度取景拍廣告而續漸受到遊客嘅青睞，成為感受花蓮好山好水嘅絕佳去處。

雲山水位於中央山脈同海岸山脈中間，地理位置得天獨厚，可以眺望花東縱谷、藍天白雲同清澈湖水。

有別於一般湖泊，往往受到污染成為一潭死水，夢幻湖嘅湖水係從木瓜溪引入，由閘門控制水位高低，係一處活水區，乾淨清澈嘅湖水吸引咗好多野生鳥類棲息。湖邊嘅樹蔭倒影反射喺如鏡般嘅湖面上，湖面諸住四季變換不斷變色，綠、黃、棕、紅，就好似仙境一樣。
想置身於仙境多一陣，咁不如住埋喺度啦~雲山水園區有幾間民宿，當中出鏡最多一定係走歐洲風嘅雲山水 Villa Home，民宿更被網友評為全台最美十大民宿票選第一名!
民宿雖然只有5間客房，但由設計到用料都絕不馬虎，屋主甚至親自走訪法國購買歐式家居品回來，希望讓住客擁有最佳的住宿體驗。面向夢幻湖嘅餐廳可讓房住客邊嘆咖啡，邊欣賞窗外嘅湖景。
客房以不同顏色設計，分別享有為庭園景或湖景。房內亦與民宿外型一樣，帶有陣陣歐洲色彩。歐式壁爐及吊椅等傢具營造出溫馨感；讓你與摯愛共渡恬適寧靜時光。房間更設有弧型露台，客人可站立於此，俯瞰四周美景，遠離城市嘅喧囂，以大自然嘅美洗滌心靈。