泰國旅遊: 幾時都話去泰國旅行一定要橫跨星期六日，一嚟可以請少兩日假，二嚟更可以順道去埋當地著名嘅假日市集。由古董至潮物，市集貨品種類包羅萬有，仲可以講價添! 今次為大家介紹泰國5個必去假日市集，讓你由曼谷買到泰北嘅南邦，尋寶之旅 let’s go!
翟道翟市場 (JJ Weekend Market) @ 曼谷
翟道翟有大約15,000多個攤位，係亞洲面積最大嘅跳蚤市場，貨品種類五花八門，最好分區行，咁就冇咁亂啦~翟道翟嘅引人之處就係價位低之餘仲可以講價添! 建議大家見啱就買，因為地方太大天氣又熱，好少會行返轉頭呢!
地址：Kampaengphet 3 Road, Khwaeng Lat Yao, Khet Chatuchak, Bangkok, Thailand
席娜卡琳火車夜市 (Srinakarin Train Market) @ 曼谷
曼谷有幾個火車夜市，當中席娜卡琳火車夜市嘅商品比起其它夜市多很多亦便宜很多，實會搵到心頭好! 呢度仲有好多小食攤檔，大家可以喺到以小食當晚餐再慢慢行都未遲~
地址：Srinakarin Soi 51, Srinakarin Road, Nong Bon, Prawet, Bangkok, Thailand
蟬假日藝術市集 (Cicada Night Market) @ 華欣
去華欣除咗嘆靚resort外，另一個好去處就係藝術市集。蟬假日藝術市集可能係泰國最靚嘅市集，攤位以白木建成、附近有林蔭水池，同熱鬧嘅翟道翟相比又別有一番風味。呢度主要售賣原創手作，亦不時有團體喺度表演，啱晒文青們。
地址：83/159 Nong Kae-Khao Takiap Rd, Hua Hin 77110, Thailand
塔佩星期日步行街 (Sunday Night Walking Street – Tha Pae Gate) @ 清邁
每逢星期日，清邁塔佩門附近一定會熱鬧起來，因為周末市集就喺喺呢度進行。市集賣嘅都大多係特色手工藝品，亦有清邁特色小吃。行到攰，仲可以做埋腳底按摩添~
地址：Rachadamnoen Road (near Tha Pae Gate) , Chiang Mai, Thailand
恭大觀光步行街 (Kad Kong Ta Street Market) @ 南邦
講咗咁多個位於泰國旅遊熱門勝地嘅市集，係時候介紹返個冷門啲嘅~南邦係現今泰國境內唯一保留以馬車作為交通工具嘅老城。早上先以馬車代步，觀賞舊城風貌，晚上再行恭大觀光步行街，一日內感受兩種唔同嘅泰北風情。
地址：Kad Kong Ta Street, Lampang, Thailand
來源：ETtoday旅遊雲
搜尋 曼谷套票 / 華欣套票 /清邁套票| 查詢 曼谷機票 / 清邁機票
小V花東遊記
2C宜蘭遊記
日本最美的單車徑-大分縣單車道
韓國賞楓2015最佳推薦TOP5
嚴選日本8大最美賞楓之地
台北美食: 打邊爐之前修修甲先 – 海底撈登「台」喇!
台灣賞月五大醉人浪漫景點
台北美食: 5間人氣日式燒肉店
至醒7招分享-可靠酒店網絡評價
一次過睇晒阿爾卑斯山脈三連峰
做個醒目歐遊達人
9個著數方式遊歐洲
明年台北悠遊卡可以「嘟」遍全台灣
環球影城10月夜驚魂
屏東老夫子彩繪村