日本雪糕：做日本人真係幸福，點解咁講？睇吓Häagen-Dazs幾偏心就知。除咗日前公布今個秋冬將會推出嘅3款限定口味外，品牌仲同便利店Lawson合作，研發出淨係喺Lawson先買到嘅獨家口味，究竟係咩味? 一齊睇吓就知!
1. Lawson獨家 – 芝士蜂蜜雪糕味
新口味採用來自北海道香濃而幼滑嘅芝士，再配上甜度剛剛好嘅蜂蜜，諗起都覺得幸福。但點解新口味只係得Lawson有得賣? 原來Lawson麵包部將會推出一款北海道小麥麵包，兩間公司都覺得以呢款麵包夾住新口味雪糕嘅雪糕三文治，香甜軟滑，口感一流，所以就促成呢個獨家兼限定嘅口味喇!
講到咁正，去到總有一間Lawson喺左右嘅日本就千祈唔好錯過喇!
2. 秋冬限定 – 南瓜味
南瓜味經已係第5次登場! 推出咁多次證明口味有幾受歡迎，味道夠rich，口感又creamy，sharp醒嘅橙色已經夠晒開胃，仲同楓葉好襯添! 試諗吓，一邊睇楓葉美景一邊食住雪糕，真係人生一大享受啊~
3. 秋冬限定 – 冧酒提子味
飽滿嘅加州提子經冧酒長時間醃製，食落漲卜卜，口感充滿層次。好彩，Häagen-Dazs喺香港都有發售冧酒提子味，冧晒!
4. 秋冬限定 – 糖漬栗子味
秋風起，又係食栗子嘅時候。軟滑嘅雪糕入面有粒粒脆口嘅意大利栗子碎，造成口感強烈對比。
話時話，雖然日元升返啲，但喺日本食一杯Häagen-Dazs雪糕圍返都只係廿零蚊港紙，真係好抵!
同時查詢 東京套票 / 大阪套票 / 搜尋 東京機票 / 大阪機票
大阪小食：日本人票選10大人氣小食
朱古力味「高達豆腐」
台北美食: 5間人氣日式燒肉店
紅葉情報: 台灣賞楓景點懶人包
單車旅行-日本最美的單車徑-大分縣單車道
至醒7招分享-可靠酒店網絡評價
一次過睇晒阿爾卑斯山脈三連峰
做個醒目歐遊達人
9個著數方式遊歐洲
明年台北悠遊卡可以「嘟」遍全台灣
環球影城10月夜驚魂
屏東老夫子彩繪村