旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

宜蘭遊記: 宜蘭小店搵食記 / 新南休閒農場

0 87

宜蘭遊記: 旅行的意義對我地兩個嚟講,除咗為大家發掘多d靚民宿之外,當然唔少得食盡地道美食,再同大家開心share啦!之前介紹完羅東夜市掃街攻略,今次就帶大家到宜蘭人常去嘅小店開餐啦!

三媽臭臭鍋

嚟台灣點可以唔食臭豆腐?如果一般嘅炸臭豆腐已經食過太多次,不妨試吓以臭豆腐打邊爐! 今次揀嘅三媽臭臭鍋,特色就係平靚正!

睇吓我地身後幾多人排隊就知有幾好食、有幾抵食啦~
Screen Shot 2015-07-28 at 11.24.42 am
雖然臭臭鍋湯底以臭豆腐淆成,但一d都唔臭,反而十分清甜;豆腐比起香港食到嘅更甜更有豆味。當中大腸臭臭鍋跟海鮮豆腐鍋都是招牌必點,臭臭鍋放滿配料,如超大塊臭豆腐、肉片、蜆肉、什菌、青菜等。
IMG_4469IMG_4468
鮮甜嘅湯頭再配上白飯,臭臭鍋雖然談唔上係咩珍饈美食,但稱佢為平民美食絕不為過!IMG_4470
地址:宜蘭縣礁溪鄉礁溪路四段221號


李氏三星蔥餡餅

宜蘭蔥餡餅嘅必食嘅程度就等於香港嘅咖喱魚蛋一樣,遊客嚟到都一定要食~

李氏三星蔥餡餅喺礁溪享負盛名,全店只賣蔥肉餡餅和純蔥餡餅,蔥肉餡餅以大量三星蔥同宜蘭黑豬肉為材料,再加上老闆秘方,即叫即炸至外皮金黃酥脆,非常香口。Screen Shot 2015-07-28 at 11.32.05 am
蔥餡餅皮薄餡靚,一口咬下,肉汁四溢,不過千祈唔好好似我地咬咁大啖,如果唔係就辣親條脷喇!肉餡帶有胡椒中藥香氣,餡料被豐盈肉汁包圍著,啖啖滋味。
Screen Shot 2015-07-28 at 11.37.02 am
地址:宜蘭縣礁溪鄉礁溪路四段89號


和平豆花

食完熱辣辣嘅蔥餡餅,最適合就係食返啲凍野中和吓。和平豆花以超大碗作賣點,係當地人嘅抵食推介。冰品全手工製作並不含任何防腐劑,讓人食得安心。

全店冰品都用上黑糖作為調味,黑糖比普通砂糖含有更多礦物質,更有養血散寒、活血化瘀的功效,女孩子食多啲都唔怕! order左綠豆粉圓豆花和綜合薏仁豆花,綠豆煮得軟爛,入口即化,粉圓彈牙,至於豆花則豆味濃郁,非常滑溜。
Screen Shot 2015-07-28 at 11.37.25 am
綜合薏仁豆花比起綠豆粉圓豆花有更多豆,薏仁仲有去水腫同美白功效! 喜歡豆類嘅朋友不能錯過~(不過我就麻麻地like豆喇,希望下次可以嗌薏仁粉圓豆花XD)
Screen Shot 2015-07-28 at 11.37.53 am
地址:宜蘭縣礁溪鄉和平路礁溪路口


新南休閒農場

宜蘭又叫台北後花園,台灣人最鍾意去當地度假,親親大自然。宜蘭有大大小小嘅農場,提供不同種類嘅活動,無論大人細路都可以盡情體驗。IMG_4597
今次去嘅新南休閒農場有唔同嘅DIY教室如: 南瓜浮雕、做漬物等,有得玩之餘仲有得食!

我地嘅南瓜浮雕~
IMG_4635
台灣水果咁出名,當然要試吓啦! 好多台灣人都會專程揸車嚟新南休閒農場購買頂級溫室哈密瓜,試一啖,咦真係好甜喎!
IMG_4602IMG_4633
地址: 宜蘭縣壯圍鄉新南村新南路75號
交通: 宜蘭市轉乘市區客運「宜蘭勁好行」791線免費公車,於”新南休閒農業區”站下車


同時查詢宜蘭套票 / 台北套票 / 搜尋台北機票


宜蘭民宿: 彩虹園民宿 – 大人細路嘅私人遊樂場!
宜蘭民宿: 羅騰堡莊園 – 喺宜蘭感受德國小鎮風情 (新增:2C 住宿體驗)
宜蘭遊記: 羅東夜市搵食記 (Part 2) / 幾米廣場
宜蘭民宿: 2C 住宿體驗@晨露庄 / 星空下 / 幸福300米
宜蘭遊記: 羅東夜市搵食記 (Part 1) / 香草菲菲
宜蘭民宿: 晨露庄 – 可能係全宜蘭最warm嘅民宿!
宜蘭民宿: 貝兒花園 – 宜蘭最浪漫民宿 (新增:2C 住宿體驗)
宜蘭遊記:甕窯雞 (必食!) / 梅花湖環湖單車遊
宜蘭民宿: 秘穴行館 – 地中海feel民宿
宜蘭遊記:樂山溫泉拉麵 / 蘭陽博物館 / 伯朗城堡
宜蘭遊記:心程帶你去宜蘭
瑞士旅遊: 一次過睇晒阿爾卑斯山脈三連峰
台北主題餐廳: 鬆馳熊(拉拉熊)Cafe(更新)
台灣旅遊: 明年台北悠遊卡可以「嘟」遍全台灣

單車旅行: 台南市七股潟湖單車徑
新加坡旅遊: 環球影城10月夜驚魂