宜蘭民宿: 宜蘭除咗有最浪漫同最貼心民宿之外，當然唔少得適合一家大細嘅民宿啦! 今個禮拜，我地會為大家介紹彩虹園呢間親子民宿；未諗中秋節同小朋友去邊度玩? 不妨趁住三日連假去宜蘭嘆番個親子假期啦!
彩虹園前院坐落咗一幢紅磚小屋，睇落平平無奇，估唔到柳暗花明又一村，一直向前走去到後花園，就會見一間間色彩奪目嘅歐洲式小屋喇，colourful 得令人精神為之一振!
彩虹園主打親子樂，民宿主人悉心為每間小屋設計出獨一無二嘅卡通主題房，令每個來到嘅家庭都可以盡情享受家庭樂!
聽聞每個入住過嘅小朋友都會樂而忘返架~究竟有咩法寶? 原來就係呢條滑梯! 滑梯連接住上格床同地下，有咗佢，瞓碌架床都變成一大樂事啦! 
房入面除咗有得玩滑梯之外，仲有得打鞦韆，簡直係小朋友嘅天堂呀!
入住彩虹園親子房(加室內私人遊樂場)，真係”落雨也不怕，落雪也不怕! ” 至於親子8人房仲可以玩攀石同行吊橋，用黎訓練下小朋友嘅體能都唔錯架!
唔好話小朋友，就連大人(我地兩個)都玩到唔捨得走呀!
新增：2C 住宿體驗
香港地少人多住屋又細，好多有兄弟姊妹嘅朋友都要share房瞓碌架床，問親身邊啲朋友仔，個個都好唔鍾意瞓上格床，而我地兩個都唔例外，成日覺得朝早未訓醒好易叉錯腳，所以細個果陣成日都幻想: 如果上格床可以有條滑梯直接Sir落地，係件幾咁幸福嘅事! 
估唔到2X年後嘅今日，彩虹園幫我實現咗! 有咗呢條滑梯，瞓碌架床都變成一大樂事啦! 
除咗房內嘅滑梯、鞦韆、攀石同吊橋之外，民宿主人仲會不定期增添各種小朋友設備同課外讀物，動靜皆宜。花園仲特設嬉水池，小朋友可以盡情打水戰! 宜家啲小朋友返學壓力咁大，呢度最適合比佢地充下電再返香港繼續衝刺!
中秋節最鍾意就係一邊BBQ一邊賞月，呢個烤肉區比客人一家歡聚之餘又唔駛周圍同人迫，簡直係perfect呀! 相信喺宜蘭呢個遠離光害嘅地方賞月，個八月十五一定更加明艷照人呢!
彩虹園令小朋友玩到唔捨得走、父母又可以安心自在咁一下，至於未組織家庭嘅你，都可以約埋三五知己過來重拾童真架~
p.s. 如果唔想住親子房，仲有好多唔同風格嘅房間任你選擇，實有一款啱你!
地址： 宜蘭縣冬山鄉珍珠三路76號
宜蘭遊記: 宜蘭小店搵食記 / 新南休閒農場
宜蘭民宿: 羅騰堡莊園 – 喺宜蘭感受德國小鎮風情 (新增：2C 住宿體驗)
宜蘭遊記: 羅東夜市搵食記 (Part 2) / 幾米廣場
宜蘭民宿: 2C 住宿體驗@晨露庄 / 星空下 / 幸福300米
宜蘭遊記: 羅東夜市搵食記 (Part 1) / 香草菲菲
宜蘭民宿: 晨露庄 – 可能係全宜蘭最warm嘅民宿!
宜蘭民宿: 貝兒花園 – 宜蘭最浪漫民宿 (新增：2C 住宿體驗)
宜蘭遊記：甕窯雞 (必食!) / 梅花湖環湖單車遊
宜蘭民宿: 秘穴行館 – 地中海feel民宿
宜蘭遊記：樂山溫泉拉麵 / 蘭陽博物館 / 伯朗城堡
宜蘭遊記：心程帶你去宜蘭
紅葉情報: 嚴選日本8大最美賞楓之地
台中手信: 台灣民眾投選Top10手信
韓國旅遊: 晉州江上夢幻燈會