宜蘭遊記: 羅東夜市被台灣網友票選為10大最愛夜市第3名，小食種類繁多，一次過邊講得晒! 今次繼續跟住民宿主人提供嘅手繪夜市美食地圖搵食，開飯喇! 
羅東夜市
白玉苦瓜菠蘿
真想不到當初我們也討厭吃苦瓜???????????? 食左咁多炸野，最啱就係叫返杯白玉苦瓜汁嚟清吓熱。白玉苦瓜比起一般苦瓜少咗一陣苦澀味，苦瓜嘅甘味配上酸甜嘅菠蘿，止渴之餘亦清心解膩。
可口香碳烤
今次個trip嘅一大得著，就係發現七里香除左係周董名曲外，原來仲係……雞 pat pat! 聽落有啲驚，不過一場嚟到，冇理由唔食嘛～雞pat pat (呀係七里香) 經過碳烤後，多餘油脂全被迫出，食落去油份同肉汁剛剛好；加埋蜜糖一齊碳燒，味道竟然有啲似BBQ雞翼呢! 
隆新一串心
係羅東夜市睇到好多唔知係咩嘅食物名稱，繼七里香後，今次係一串心。一串心原來係以空心油豆腐釀入香腸、叉燒或內臟，加上芫茜而成。油豆腐吸收晒其他材料嘅精華，食起來充滿風味。
杏仁福肉
幾時都話甜品係第2個胃黎嘅，就算食到幾飽，一見到杏仁福肉又忍唔住喇! 
杏仁凍同福肉凍（即龍眼大菜糕）各帶有濃郁香氣，食落清甜可口。
除左 part 1同以上介紹嘅美食之外，藥燉排骨、肉捲同蔥捲都係羅東夜市唔可以錯過嘅小食，不過今次食得太飽冇試到。健康嘅我地，最後當然要買生果幫助消化啦!!!
羅東夜市可以話係去宜蘭旅行必到嘅地方，大家千祈唔好錯過! 返到香港，我地已經開始掛住夜市嘅小食喇!
地址：宜蘭縣羅東鎮民生路、民權路、公園
幾米廣場
???? 我遇見誰 會有怎樣的對白 ???? 我等的人 他在多遠的未來 ????
幾米係台灣著名繪本畫家，而宜蘭正係幾米嘅出生地，喺呢度起幾米廣場最適合不過! 幾米廣場位於宜蘭火車站南則嘅鐵路局舊宿舍區，為全台灣第一座以幾米為主題嘅廣場，亦係幾米Fans必到打卡嘅地方。
提到佢，相信大家就會諗起佢最為人熟悉嘅作品《向左走．向右走》。廣場以1:1真實場景完整呈現繪本內嘅場景人物，包括《星空》、《地下鐵》及《向左走．向右走》。見到咁多個經典畫面，腦內即刻享起孫燕姿嘅《遇見》喇~⬅➡
幾米廣場影相真係一流，相信一定會呃到唔少like呢!
地址：宜蘭縣宜蘭市光復路1號
[????有著數????] 宜蘭2晚民宿 + 機票 + 推廣碼 TWN283 = 即減$200優惠!
優惠期至2015年8月31日，其他訂購及詳細條款，請向分行職員查詢
宜蘭民宿: 羅騰堡莊園 – 喺宜蘭感受德國小鎮風情
宜蘭民宿: 2C 住宿體驗@晨露庄 / 星空下 / 幸福300米
宜蘭遊記: 羅東夜市搵食記 (Part 1) / 香草菲菲
宜蘭民宿: 晨露庄 – 可能係全宜蘭最warm嘅民宿!
宜蘭民宿: 貝兒花園 – 宜蘭最浪漫民宿 (新增：2C 住宿體驗)
宜蘭遊記：甕窯雞 (必食!) / 梅花湖環湖單車遊
宜蘭民宿: 秘穴行館 – 地中海feel民宿
宜蘭遊記：樂山溫泉拉麵 / 蘭陽博物館 / 伯朗城堡
宜蘭遊記：心程帶你去宜蘭
台灣旅遊: 明年台北悠遊卡可以「嘟」遍全台灣
單車旅行: 台南市七股潟湖單車徑
新加坡旅遊: 環球影城10月夜驚魂