旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

宜蘭民宿: 羅騰堡莊園 – 喺宜蘭感受德國小鎮風情 (新增:2C 住宿體驗)

0 65

宜蘭民宿: 喺介紹民宿之前,先問大家幾條問題:1. 想唔想去旅行relax吓? 2. 想唔想去歐洲? 3. 鍾唔鍾意歐洲風格建築物? 4. 最後係…得返幾日大假?

如果以上4題都答YES嘅話,咁嚟緊介紹嘅民宿:羅騰堡莊園就啱晒你喇~6

之前同大家介紹過唔駛飛到愛琴海都可以喺宜蘭住到希臘小屋…原來由希臘去德國,話都冇咁易! 今次2C就帶你去探索宜蘭中嘅”羅騰堡” ! 10
位於德國南部嘅羅騰堡為一個保存完整嘅中世紀小鎮,更係德國著名旅遊景點Romantic Road嘅其中一個所在地,估唔到,喺宜蘭都可以見到兼住到充滿歐洲小鎮風情嘅屋仔!8IMG_4315
羅騰堡莊園位於宜蘭五結鄉,鵝黃色嘅外牆,加上藍天白雲同四周嘅稻田,一去到羅騰堡莊園就好似置身於童話世界一樣! 唔怪得呢座童話故事屋成為偶像劇<<真愛找麻煩>>及<<愛上巧克力>>嘅拍攝場景啦!
9
民宿無論庭院、民宿外觀同室內都貫徹著歐陸小鎮風情;庭院種滿落羽松,翠綠盅然,秋天紅葉季節時,應該會仲靚!大廳巧妙地以木材和石磚營造出溫馨嘅感覺,大玩鄉村風。3
走進房間,淡淡嘅木頭香與牆上淡雅嘅乾花香氣融合,令人心境平靜落嚟,非常relax,一定有覺好瞓喇!
1 2


新增:2C 住宿體驗

德國嘅羅騰堡係著名旅遊景點Romantic Road嘅所在地,嚟到宜蘭嘅羅騰堡,都有條 “Romantic Road” 喎! 睇吓個景一片綠油油幾靚~

1IMG_4356
行完 “Romantic Road”,終於到達民宿lu~主人見我地行到身水身汗,就即刻整咗上兩杯welcome drinks比我地嘆吓唞吓,好sweet呀!
1
羅騰堡莊園室內大廳採用天然木化石舖滿內牆四周,木製天花配上華麗吊燈,到處放滿精緻小巧嘅擺設,充滿大自然氣息之餘又不失溫馨感!
2
行上二樓睇下先~房間夠晒寬敞,感覺清新脫俗3
最中意就係呢張滕吊椅啦~
IMG_4336
主人仲好貼心咁提供日式泡湯劑,等客人可以relax吓~IMG_4335
二樓房間仲有個小露台,瞓醒打開窗吸收下啲大自然氣息,人都精神啲!
4

天氣咁好,緊係要出去庭院行番個靚圈先~呢個庭園既樹木種類多到好似植物公園一樣,一草一木都載滿主人的心意,要管理咁大個花園,真係少啲心機都唔得呀!
2

主人仲好貼心咁整左個小朋友專用區,咁黎到既家長就可以輕輕鬆鬆free talk下啦~唔止呀~仲有呢個特別設計比小朋友用嘅遊戲室!
corner
不過…我地兩個超齡兒童無得玩,唯有看下門口啦~
1
日頭呢度係充滿大自然氣息嘅小花園,到左夜晚又係另一番景象。呢個咁靚嘅場地原來曾經造就左唔少浪漫求婚架! 曾經有香港客人因為知道女友好鐘意<愛上巧克力>呢套台劇,特登帶女友住羅騰堡莊園,製造一個驚喜求婚…(夢幻到真係好似台劇嘅女主角一樣,我都好想有個咁sweet嘅男朋友呀!)
5
第二朝起身準備出發下一個行程之前,千祈唔好錯過呢度嘅招牌早餐菜式 – 水煮蛋!
11r
好似好普通,度度都有得食? 非也非也~原來出產雞蛋嘅農場曾經拎過台灣企業永續報告獎! 民宿主人連一隻雞蛋都咁講究,就睇得出佢對服務品質嘅堅持啦!

地址: 宜蘭縣五結鄉公園二路148號


有關交通及地址:按此
其他台灣民宿(北部):按此


同時查詢宜蘭套票 / 台北套票 / 搜尋台北機票

[????有著數????] 宜蘭2晚民宿 + 機票 + 推廣碼 TWN283 = 即減$200優惠!
優惠期至2015年8月31日,其他訂購及詳細條款,請向分行職員查詢


宜蘭遊記: 羅東夜市搵食記 (Part 2) / 幾米廣場
宜蘭民宿: 2C 住宿體驗@晨露庄 / 星空下 / 幸福300米
宜蘭遊記: 羅東夜市搵食記 (Part 1) / 香草菲菲
宜蘭民宿: 晨露庄 – 可能係全宜蘭最warm嘅民宿!
宜蘭民宿: 貝兒花園 – 宜蘭最浪漫民宿 (新增:2C 住宿體驗)
宜蘭遊記:甕窯雞 (必食!) / 梅花湖環湖單車遊
宜蘭民宿: 秘穴行館 – 地中海feel民宿
宜蘭遊記:樂山溫泉拉麵 / 蘭陽博物館 / 伯朗城堡
宜蘭遊記:心程帶你去宜蘭
台北主題餐廳: 鬆馳熊(拉拉熊)Cafe(更新)
分享13招教你搭廉航執行李
台灣旅遊: 明年台北悠遊卡可以「嘟」遍全台灣
單車旅行: 台南市七股潟湖單車徑
新加坡旅遊: 環球影城10月夜驚魂