旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

80後女生窮遊心底話

0 624

兩星期前我去左長灘島,今星期我去左新加坡,
今日晨咁早返工,我老公send 左個blog 比我。佢話呢個世界,有人同你一模一樣! 唔,今日終於睇左個blog, 我都幾認同佢既講法。太有同感!其實好多朋友同我講:嘩!(你又去旅行,會唔會太有錢呢!)
對唔住,我想同你講,我冇!但我肯定患上不去旅行會死既一種病,每次去旅行總是係要去到鬼鬼鼠鼠咁。因為我真係好驚會比父母會罵,但佢地總係唔明白我點解要旅行,咁人人都有自己既興趣ga ma.

每日穿梭十幾間航空公司,網上平台#flyagain,帶住本passport返工,好似永遠保持隨時行得既狀態。。就係咁幾日前掉底左個老公。捉左兩個同事仔快閃左兩日新加坡。利申(兩位診所姑娘仔), 坐酷航空ga呢
我寧願花錢買定十張機票,都唔捨得買一對靚波鞋,一個名牌手袋
有d人寧願死衝要坐國泰飛上天空,對唔住我唔會!
坐國泰定快運,坐星航定酷航,我答你,我會選後者。我但求平安送到我去目的地,繼而送到我返香港,咪得囉。記住個句,平野唔代表冇好野。

住宿方便,但求乾淨,方便,我理得你一星定五星。反正我又唔會訓唔著。平時你問我我慳唔慳,真係見人見智
心知道網上平台人人在炫耀,炫富,唔通真係食碗牛雜麵都放上網咩,其實我覺得冇咩所謂,反正都係開心share*☆以下內容絕冇影射成份,如屬雷同,實屬巧合)

係你平時上網曬買左個名牌袋既時候。我唔會眼紅你,因為我正在淘寶,樂在其中。除左淘爛寶或以外。。。。。會dum心左 D.
當你食緊五星級格調餐廳既時候。儘管你點擺到塊扒有幾大,有幾靚。隻豬手有幾肥 。我話比你聽,我在酸辣粉,或者係度譚仔,甚至cooking mama 上左身。我只可以話,大多人比較喜歡在網上平台報喜而不報懮。
所以我從來唔會話比你聽我會冇錢買機票。

旅行洗費方便,豐儉由人,撇除機票,住宿,我可以用左2千5百請埋我老公去左轉長灘島,用左一千蚊玩左轉新加坡。唔係下下食餐廳,其實掃街一樣好開心,當然人人都有權選擇旅行既準則。所以我都唔認同去旅行要花好多錢。
最近實施窮遊,皆因我由四月去到七月
我已經排了五個旅行。。平均唔夠廿日左近又離港。
每個人去旅行既定義都唔同,我都有我個理想人生,我有嘗試發奮過,起碼結婚從來冇靠過父母,可惜公屋,居屋唔輪到我。如期做一世樓奴,一生負債,倒不如留返錢傍下身。想做自己做既野。
去旅行得著好多,搵返真真正正既自己,吃得下,睡得好,我已經心足。
其實世界好大,趁後生應該及時行樂,所以有冇錢都可以去旅行,睇你點玩法,所以我好認同果句(米之蓮定掃街,國泰定快運), 睇你點選擇人人都有權選擇,我愛旅行,多過愛食飯。
比我父母知道不得了。除非你報串!
我窮,但愛遊!

剛結婚的80後少婦仔上

原文:https://www.facebook.com/groups/flyagainla/permalink/1424940894489044/

發表評論