近年廉價航空普及，上網搶平機票已經唔係新鮮事，平時返工咁辛苦，請唔到長假，去個短途旅行叉叉電都已經好滿足。夏天正正是旅遊旺季，想衝出香港消消暑？訂機票就要趁早，MoneyHero.com.hk為大家搜集了港人旅遊熱點日本和韓國的 廉航 資料，以及近3個月的 廉航 資料俾大家參考！
營辦日本 廉航 的公司有香港快運航空（HK Express）、ANA旗下的香草航空（Vanilla Air）、樂桃航空（Peach Aviation）和捷星航空（Jetstar）；在香港辦韓國廉航的公司就有香港快運航空（HK Express）、濟州航空（Jeju Air）和真航空（Jin Air）。
日韓廉航
香港快運 HK Express
相信香港人都對HK Express唔陌生，因為佢時不時佢都有搶平機票嘅機會！HK Express分別有營運日本和韓國的航線。日本直航航線有東京（羽田/成田）、大阪（關西）、福岡、名古屋中部和廣島，還有最新加的石垣島、鹿兒島和高松。至於韓國直航航線就有首爾仁川、釜山和濟州。機票種類有「自由飛」和「輕鬆飛」計劃。
自由飛：只包括手提行李*，不包括免費更改日期/時間、預先選位、寄存行李等，均需要另付費用，20kg行李托運，每程需付$260。
輕鬆飛：每程加$670則享有以下升級服務：
- 30 公斤托運行李
- 免費預先選位
- 免費於香港機場優先辦理登機手續
- 免費更改旅遊日期和時間
*手提行李（56cm x 23cm x 36cm）：1件手提行李及1件隨身物品，共2件重量不能超過7kg，詳情按此查詢。
（有無諗過廉航都可以儲飛行里數？HK Express最新推出Reward-U，詳情可看：Reward-U Vs Asia Miles：廉航都可儲積分？）
（溫馨提示：搭飛機去玩之前，當然要未雨綢繆，買番份旅遊保險，咁就萬無一失啦！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！）
日本廉航
香草航空 Vanilla Air
香草航空營辦的日本直航航線，只往東京（成田機場）。機票種類分為「繽紛香草」、「原味香草」和「心動香草」。「心動香草」為不定期推出的限量促銷票價，所以一般情況下都是以下面2種票為主。
原味香草：
- 不包括托運20kg的行李服務（須另付4,000日圓，即約HK$285）
- 選擇指定坐位，須另付HK$40
- 一旦訂位確定後就無法辦理退票，無法使用時也只能退還機場稅
- 包括手提行李：長寬高係56cm x 36cm x 23cm之內，數量為手提行李1件和隨身物品1件，而且總重量不超過10kg，詳情按此查詢。
繽紛香草：呢種航班比原味香草每程加HK$270，但可以享有唔同嘅升級服務。如果自認購物狂又一定要行李寄艙嘅話，直接買繽紛香草仲化算！
- 包括免費選擇標準座位
- 免費托運20kg行李
- 更改日期/時間：須另收費HK$40
- 退票就根據地區而定，香港為5,000日圓（根據撰稿時匯率，約為港幣$356.26）
推廣優惠：香草航空最近推出了2016年的夏季時間表，飛東京（成田）單程低至HK$648（原味香草），啱晒計劃夏天去旅行的你，想去日本就唔好錯過喇！詳情按此查詢。
樂桃航空 Peach Aviation
樂桃航空開辦的日本直航航線有飛往大阪（關西國際機場）和沖繩（那霸機場）。機票的種類主要分為2種，分別是「Happy Peach」和「Happy Peach Plus」。視乎自己係注重邊一方面去揀啦，前者為價錢、後者為航班嘅彈性。
Happy Peach：
- 只包括免費手提行李：尺寸限制為55cm x 25cm x 40cm，可帶隨身物1件和1件手提行李，合計2件，總重量不得超過10kg，詳情按此查詢。
- 托運行李，每件20kg，HK$280至$388視乎預訂情況而定。
Happy Peach Plus：手續費每程HK$410至$460，包括以下的升級服務。
- 免費手提行李
- 20kg托運行李
- 優先選座
- 免費選定標準和樂享座位
- 免費更改行程、時間（須另付手續費）
推廣優惠：計劃好喺熱辣辣嘅夏天衝出香港？當然要早啲準備啦，因為樂桃推出咗早買早優惠，夏季航班香港往大阪單程由HK$730起！
捷星航空 Jetstar
捷星航空營辦直航日本的航線有東京（成田）、大阪（關西）、名古屋、松山、札幌/新千歲、福岡、熊本、高松、鹿兒島、大分和沖繩/那霸。喺呢個季節旅遊，Jetstar嘅機票大約$1,500至$2,000都有。另主要分為2種加配套內容：「基本加值組合套票」和「基本頂級組合套票」。
基本加值組合套票：
- 每程加HK$320或以上，視乎情況而定
- 20kg托運行李
- 變更日期/時間和姓名（須補齊機票差價）
- 可獲取澳航點數和狀態積分/阿聯酋航空/Skywards獎勵里程/JAL里程獎勵積分/或1張捷星機上獎勵禮券
- 免費選擇標準座位、免費享用膳食
基本頂級組合機票：
- 每程加HK$1,800或以上，視乎情況而定
- 包括30kg托運行李
- 更改名稱毋須手續費及允許變更出發地/目的地（須補齊機票差價）
- 免費變更旅客姓名、日期和時間，可收費性退款（約HK$295.81）
- 可以獲取澳航點數和狀態積分/阿聯酋航空/Skywards獎勵里程/JAL 里程獎勵積分/或1張捷星機上獎勵禮券
- 免費任選座位、免費享用膳食、休息室使用權
*若果行李超重的話，視乎地區而定，每kg會被收取1,500日圓，約為HK$100。手提行李（56cm x 23cm x 36cm）：大件和小件手提行李共2件，總重量不能超過7kg，詳情按此查詢。
韓國廉航
濟州航空 Jeju Air
濟州航空直航韓國航線有首爾仁川和濟州，近排Jeju Air仲搵埋宋仲基做代言人，想支持偶像嘅一眾韓迷唔可以錯過。
- 機票已包括1件10kg以內的手提行李（55cm x 20cm x 40cm）
- 正常客票：1件20kg的寄艙行李。超值機票：1件15kg的寄艙行李。特惠機票：不包行李
- 更改預訂機票的手續費，由HK$50至HK$350不等
- 退票手續費則由HK$100至HK$400
- 預先選定坐位費用，視乎區域而定，由HK$25至HK$200不等，詳情按此查詢
咁睇嚟，超值機票真係幾抵買，包晒寄艙行李同埋手提行李，啱晒鍾意去韓國掃貨嘅你！
真航空 Jin Air
真航空營辦的直航航線是香港往來首爾仁川機場，間唔中就要去下首爾嘅你要留意喇！
- 機票已包括1件手提行李（長、寬、高度不超越115cm）和1件15kg的寄艙行李
- 更改預訂機票的手續費，由US$10（約HK$78）至US$30（大約HK$233）不等
- 退票手續費則由US$10（約HK$78）至US$70（大約HK$543）不等
- 超重行李費，每kg為HK$60，詳情按此查詢
6、7、8月至平出發日子！
小編以一般打工仔嘅搜尋方向，分別嘗試比較去東京、大阪、首爾嘅5日4夜連周末旅程，睇下有乜出發日子最抵，為大家揀到啱！
東京
- 普遍6月的價錢都算不錯，分別有6月中（17日至21日）Jetstar $1,650的來回機票，6月尾（23日至27日）Jetstar $1,789的來回機票。
- 7月頭至中（7日至11日）又再稍微下降，約$1,640就買到Jetstar來回機票，如果想7月旅行又想避開最旺嘅時節，呢個時間絕對係個唔錯選擇。
- 7月中至8月嘅機票價位都比較高，大約係$2,000至$2,700不等，如果有要就小朋友放暑假一齊去旅行，唯有俾貴少少。不過香港嘅廉航成日推出不定時優惠，記得睇實最新資訊！
- 去到8月最後一個禮拜又有番啲睇頭！香草航空喺8月23日開始就有$778單程去東京，8月28日開始仲低至$648！
大阪
- 6月中（16日至20日）暫時為最低價錢，大約$1,500就買到Jetstar來回機票。
- 6月尾稍為回升，喺23日至27日出發嘅Jetstar來回機票已經升至約$2,000。
- 同上，7月頭至中（7日至11日）又再稍微下降，約$1,700就買到Jetstar來回機票。
首爾
- 小編喺6月中搵到個唔錯嘅價錢，濟州航空於6月11日至15日有$1,853超值機票（包15kg的寄艙行李）！
- HK Express喺呢幾個月都有$598 / $688單程去首爾嘅機票，就連暑假旺季時段，小編都搵到$1,655來回機票（7月23日至27日，8月11日至15日），而且HK Express成日推出不定時優惠，分分鐘仲有更平嘅等緊你！