旅遊熱愛狂
旅遊網站 情報 優惠 特別 促銷 機票 酒店 套票 旅行團 郵輪 Travelholic.hk

宜蘭民宿: 晨露庄 – 可能係全宜蘭最warm嘅民宿!

0 38

宜蘭民宿: 上個禮拜為大家介紹咗宜蘭最浪漫夢幻嘅民宿,今個禮拜就講吓呢間可能係全宜蘭最warm最貼心嘅民宿 – 晨露庄啦!

2

一去到晨露庄,庄主一家人就出嚟迎接我地 (大家都叫晨露庄嘅主人做庄_,請自行配對),真係好有家嘅感覺!
1 (4)

1
話明家嘅感覺,咁當然唔少得同庄主一家人閒話家常啦 (當然,呢度真係好似屋企咁,你唔想同爹哋媽咪講野嘅話係可以匿埋喺房嘅~:P),不過庄主一家人真係好好傾,傾到我地唔捨得返房 (諗諗吓,好耐都未試過同屋企人傾咁耐計喇,返到香港真係要好好孝敬吓佢地先得)

1 (25)
原來晨露庄本來只係一間民宅,不過話說某一年嘅除夕夜有一家四口到宜蘭旅遊,但last minute都未book到房,所以就嚟到晨露庄拍門投宿,而當時庄哥庄妹正在外國留學,熱情好客嘅庄爸媽就收留左呢一家人,齊齊過左一個熱鬧嘅除夕夜,而呢次借宿一宵亦都展開左晨露庄嘅民宿之路~


咁究竟晨露庄有幾貼心呢? 講住呢幾個你知先啦!

貼心首部曲
一入房,就會見到寫上你個名嘅welcome board,仲可以免費提供埋下午茶,為長途跋涉來到嘅客人充夠電再出發~加埋獨立WIFI、早餐、全天侯汽水無限供應,完全感受到庄主對客人嘅重視。不過記得要尊重主人家嘅心意,記得全部飲晒至好呀!

1 (7)1 (26)

貼心二部曲
好多時去夜市花多眼亂唔知食咩好? 唔洗煩喇,庄哥阿嘉提供自家繪製嘅宜蘭地圖同埋羅東夜市必試小食貼士,所推介嘅小食都係由庄主多年經驗所得,我地跟住地圖試,果然冇介紹錯! 好快就會同大家推薦羅東夜市嘅美食啦!

1 (19) 1 (20)

貼心三部曲
選擇搭火車遊宜蘭嘅朋友如果要到晨露庄,只要事先預約,庄主就會免費來回接載你到火車站,咁就唔使搭的士咁麻煩啦! 而且客人仲可以免費借用單車,等你盡情遊覽周邊嘅田園景色,聽聞每架單車都起碼成萬蚊台幣,連單車都咁揼本,果然講究!

貼心四部曲
住到間咁正嘅民宿,緊係急不及待要同親朋戚友分享啦! 雖然而家網絡資訊咁發達,不過點都唔及收到親自寫嘅postcard咁窩心! 晨露庄有自家設計嘅postcard連蓋章,仲有私人嘅小郵箱,只要將寫好嘅postcard放入去,庄主就會幫你將postcard寄去目的地,連郵票錢都幫你比埋,貼心程度簡直爆燈!!!
1 (4)

唔怪得晨露庄被選為台灣優質民宿之一啦~呢種賓至如歸嘅感覺真係酒店比唔到架!

地址: 宜蘭縣冬山鄉武淵村武罕五路363號


有關交通及地址:按此
其他台灣民宿(北部):按此


同時查詢宜蘭套票 / 台北套票 / 搜尋台北機票

[????有著數????] 宜蘭2晚民宿 + 機票 + 推廣碼 TWN283 = 即減$200優惠!
優惠期至2015年8月31日,其他訂購及詳細條款,請向分行職員查詢


宜蘭民宿: 貝兒花園 – 宜蘭最浪漫民宿 (新增:2C 住宿體驗)
宜蘭遊記:甕窯雞 (必食!) / 梅花湖環湖單車遊
宜蘭民宿: 秘穴行館 – 地中海feel民宿
宜蘭遊記:樂山溫泉拉麵 / 蘭陽博物館 / 伯朗城堡
宜蘭遊記:心程帶你去宜蘭
台南北門水晶教堂 七夕亮燈
單車旅行懶人包
超美味日本甜品 – 東京新宿HARBS
WoW 東京商場有得睇相撲比賽!
台灣旅遊: 彩繪階梯@大台北都會公園
單車旅行: 日月潭30公里環潭挑戰遊
韓國旅遊: 夢想照相機咖啡館