宜蘭民宿: 今個禮拜Creamy 同 Carmen帶你住嘅貝兒花園，可以話係宜蘭最浪漫夢幻嘅民宿! 有咩咁夢幻、咁浪漫？今次講住幾個你知先啦~
浪漫1: 相信每個少女嚟到貝兒花園都會忍唔住尖叫，民宿外牆採用咗少女大愛嘅粉紅色，就好似細細個果陣要媽咪買果間Barbie大屋咁!
浪漫2: 未入民宿已聞到陣陣玫瑰香，原來民宿女主人非常喜歡樹玫瑰 (即係薔薇呀!)，所以四周都有種有自己親手培育嘅樹玫瑰。第二朝本來有啲眼瞓，但一聞到淡淡嘅花香就即刻醒晒，使乜用香氛丫!
浪漫3: 同民宿主人傾咗陣，知道貝兒花園嘅夢幻風格原來係女主人兒時嘅夢想。結婚後丈夫同妻子一齊將夢想達成，民宿仲以女兒嘅名字”貝兒”命名，又sweet又浪漫，愛情嘅最佳見證咪就係咁囉 <3
浪漫4: 宜蘭唔似香港咁多高樓大廈，無咗光污染嘅影響，所以去當地旅行期間，觀星都不失為一個好活動。貝兒花園大多數房間都設有露臺，地下果兩間房更設有獨立私人花園。等你日頭可以做個日光浴、食個tea，夜晚又可以觀星，正!
新增：2C 住宿體驗
貝兒花園嘅一片粉紅色已經夠吸引，但係都唔夠民宿主人嘅人情味咁吸引!
一入到民宿，就見到櫃上嘅粉紅Memo喇~
原來民宿主人為左確保食材新鮮，所以每日都會出去採購食材，但見等左我地大半日又聯絡唔到我地 (因為我地大頭蝦唔記得留低聯絡方法)，所以就留低左張Memo比我地，等我地來到唔駛摸門釘，真係超貼心! (大廳設有閉路電視，所以大家都唔需要擔心安全問題~)
大廳Bar枱一角
室內設計走高貴歐洲風格，見到呢部鋼琴，唔理識唔識彈喇一於即刻打開影返張相扮下優雅先!
呢間就係我地今晚要住嘅房喇
加埋呢張公主式嘅梳妝枱，住喺度真係好似公主一樣!
房間仲有一度玻璃門直接連接後花園，地下每間房都設有獨立嘅私人花園空間，等我地下午可以坐喺花園扮下貴婦High Tea，夜晚再睇星星✨✨~
嫌日日住同一間粉紅色主題房太悶?! 其實貝兒花園仲有唔同嘅主題套房，好似呢間粉藍色同黃色主題房，都一樣咁靚架!
第二朝一起身，民宿主人已經準備好早餐等我地喇， 餐廳採用落地玻璃設計，環保之餘，個feel仲好似置身於戶外用餐一樣，不過呢個”戶外”係有冷氣嘅，就算幾熱都唔怕啦!
呢度嘅早餐配搭應有盡有，營養均衡，啱晒講求健康嘅我地! 
小貼士: 揭吓擺放喺大廳嘅雜誌，發現貝兒花園曾經借出過比某大品牌作為服裝拍攝，鍾意貝兒花園個環境嘅準夫婦????，不妨考慮下入住貝兒花園順便影埋pre wedding~不過建議事前要問下民宿主人有冇額外收費喇~
地址：宜蘭縣冬山鄉新寮路113號
[????有著數????] 宜蘭2晚民宿 + 機票 + 推廣碼 TWN283 = 即減$200優惠!
優惠期至2015年8月31日，其他訂購及詳細條款，請向分行職員查詢
宜蘭遊記：甕窯雞 (必食!) / 梅花湖環湖單車遊
宜蘭民宿: 秘穴行館 – 地中海feel民宿
宜蘭遊記：樂山溫泉拉麵 / 蘭陽博物館 / 伯朗城堡
宜蘭遊記：心程帶你去宜蘭
台灣旅遊: 彩繪階梯@大台北都會公園
台灣旅遊: 票選10大靚絕夜景觀賞地
8月藝穗節開鑼
5大夏日音樂節活動
關子嶺烏山頭線 8月免費坐
麵包超人主題專賣店 9月登場
10個最特色的巴士站