淡水半日遊嘅行程除左基本嘅 ｢漁人碼頭情人橋睇日落｣ 同 ｢淡水老街買手信｣ 之外，當然唔少得尋找天王周杰倫嘅足跡啦！
周董曾經就讀位於淡水嘅淡江中學音樂班，第一部自導自演嘅電影《不能說的秘密》亦以淡江中學為背景，可見佢對淡水嘅鍾愛！好彩，周董最鍾愛嘅淡水美食並唔係 ｢不能說的秘密｣，一齊睇吓周董鍾意食啲咩啦！
百葉溫州大餛飩
百葉溫州大餛飩就在淡水老街的盡頭，是老字號店家。據老闆娘話，在淡水讀書嘅周董最鍾意來店內食碗溫州餛飩湯搭配烤雞腿，由於之後太多人詢問「餛飩湯＋雞腿」獨特吃法，所以店家索性將呢個組合命名為「周杰倫套餐」。
溫州餛飩大大粒，餛飩皮薄，食落滑溜，肉餡飽滿，不過食時要小心，因為餛飩超多汁，食得心急啲隨時燙親條脷!
講到餛飩湯最精華部分其實係個湯，配料有青菜、海苔絲、酸菜及蛋皮，飲落味道就好似清淡版嘅牛肉麵湯，不過老闆娘話配方係秘密，所以都冇再細問。
另一主角烤雞腿出場，店家貼心地以爽口嘅青瓜絲作為烤雞腿嘅配菜，減低油膩感。一上桌已聞到烤雞皮嘅香味，雞腿充滿油香，一入口，嫩滑嘅雞肉就聯同雞油充斥於舌尖，齒頰留香。
地址：淡水中正路177號
文化阿給
另一家周董愛店當然就係文化阿給啦！「阿給」係淡水常見嘅美食，亦係旅客到淡水必吃嘅小食之一。將油豆腐中間挖空填入冬粉，再用魚漿蓋住，然後淋上醬汁，一份「阿給」便完成。
文化阿給號稱是周杰倫求學時嘅愛店，所以和百葉溫州大餛飩一樣，亦設有「周杰倫套餐」: 阿給＋包子＋魚丸湯。
呢間阿給以濃郁嘅醬汁見稱，包含著鹹、辣與甜味。油豆腐吃起上來煙煙韌韌，粉絲口感細滑，吸收濃濃醬汁，十分入味好吃。
地址：淡水真理街6-4號
除了周董愛店之外，淡水有多間著名的阿給店，包括老牌阿給（楊記）及三姐妹阿給等。
宜蘭旅遊:太平山森林遊樂區 清晨開園賞日出
高雄旅遊: 巨型花燈 田寮奇幻月世界登場
台灣南投全透明「龍鳳瀑布空中步道」
日本旅遊: 琦玉限定梳乎蛋Cafe
台北飲呢啲 – 10大飲品推介
台灣打工換宿 5天牧場體驗包食住
日本大阪「肯德基吃到飽」
姆明特展登陸台北
SkyTrax公佈2015年最佳航空公司